ආර්ථික අර්බුදය හමුවේ විදේශීය විනිමය රට තුලට ගෙන්වා ගැනීම ඉලක්ක කොටගෙන පාර්ලිමේන්තුවේ අනුමැතිය සඳහා ඉදිරිපත් කර තිබෙන ම පනතක් අධිකරණය හමුවේ අභියෝගයට ලක්වීම සමග එය වෙනස්
කරන්නට ආණ්ඩුව තීරණය කර තිබේ.
එම පනත් කෙටුම්පතේ වගන්ති 07 ක් සංශෝධනය කිරීමට තීරණය කර ඇතැයි නීතිපතිවරයා අද (28) ශ්‍රේෂ්ඨාධිකරණය වෙත දැනුම් දුන්නේය.
අගමැති මහින්ද රාජපක්‍ෂ මුදල් ඇමැති වරයාව සිටියදී පාර්ලිමේන්තු අනුමැතිය සදහා ඉදිරිපත් කර ඇති "මුදල් සංශෝධන පනත් කෙටුම්පත" ආණ්ඩුක්‍රම ව්‍යවස්ථාවට පටහැනි බවට තීන්දු කරන ලෙස ඉල්ලා ගොනු කර ඇති සියලු පෙත්සම් අද කැදවු අවස්ථාවේදී එම දැනුම් දීම කළේ නීතිපතිවරයා වෙනුවෙන් පෙනී සිටි රජයේ ජේෂ්ඨ නීතිඥ නිර්මලන් විග්නේෂ්වරන් විසිනි.
ජනතා විමුක්ති පෙරමුණ හිටපු පාර්ලිමේන්තු මන්ත්‍රී සුනිල් හදුන්නෙත්ති, සමගි ජනබලවේගය මහලේකම් සහ පාර්ලිමේන්ත්‍ු මන්ත්‍රී රංජිත් මද්දුම බණ්ඩාර හා එම පක්ෂයේ පාර්ලිමේන්තු මන්ත්‍රී ඉරාන් වික්‍රමරත්න, එක්සත් ජාතික පක්ෂයේ හිටපු පාර්ලිමේන්තු මන්ත්‍රී හා ජාතික වෘත්තීය සංගමයේ සභාපති සමන් රත්නප්‍රිය, ලංකා බැංකු සේවක සංගමයේ හිටපු නියෝජ්‍ය සභාපතිවරයෙකු වන කේසර කෝට්ටේගොඩ, ඇතුළු හයදෙනෙක් ගොනු කළ
මෙම පෙත්සම් ප්‍රියන්ත ජයවර්ධන, කුමුදුනි වික්‍රමසිංහ සහ ශිරාන් ගුණරත්න ගෙන් සමන්විත ත්‍රිපුද්ගල විනිසුරු මඩුල්ල හමුවේ සළකා බැලිණි.
නීති විරෝධී ලෙස උපයාගෙන ඇති මුදල් නිත්‍යානුකුල කර ගැනීමට අවසර සළසා ඇති බැවින් ද , රටේ මුදල් රෙගුලාසි මෙන්ම දේශීය ආදායම් බදු පනත වැනි අණ පනත් දැඩි ලෙස උල්ලංඝනය වන්නේ යැයි මෙම මුදල් සංශෝධන පනත් කෙටුම්පත" ආණ්ඩුක්‍රම ව්‍යවස්ථාවට පටහැනි බවට තීන්දු කරන ලෙසත්, එම පනත් කෙටුම්පත නීතියක් බවට පත් වීමට නම් පාර්ලිමේන්තුවේ තුනෙන් දෙකක බහුතරයකින් සහ ජනමත විචාරණයකින් සම්මත විය යුතු බවට නියෝගයක් නිකුත් කරන ලෙස පෙත්සම්කරුවන් වෙන වෙනම ගොනු කල සිය පෙත්සම් මගින් ඉල්ලා තිබේ.
මෙම පෙත්සම් වල වගඋත්තරකරු ලෙස නම් කර ඇත්තේ නීතිපතිවරයා යි.
පෙත්සම්කරුවන් වෙනුවෙන් දර්ශන වේරදූවගේ, සුනිල් වටගල, නීශාන්ත ජයවර්ධන, විරාන් කොරයා, සුරේන් ප්‍රනාන්දු සහ ජනාධිපති නීතිඥ එම්.ඒ සුමන්තිරන් යන නීතිඥවරුන් පෙනී සිටි අතර නීතිපති වෙනුවෙන් රජයේ ජ්‍යෙෂ්ඨ නීතීඥ නිර්මලන් විග්නේෂ්වරන් ද අධිකරණය හමුවේ පෙනී සිටියේය.
THE LEADER TV
පුත්තලමේ 'සනා' සතොසට ගෙනා අරක්කු ලොරියක් පන්නයි!
පොහොට්ටු මන්ත්‍රීවරු ජනපතිට ටොක්කක් අනී !
