පොලිසීය විසින් බලහත්කාරයෙන් ඇන්ටිජන් පරීක්ෂණ කිරීමට එරෙහිව ගුරු- විදුහල්පතිවරු පොලිස්පතිට පැමිණිලි කොට තිබේ.
 
නිදහස් අධ්‍යාපනය මිලිටරිකරණය හා පෞද්ගලීකරණයට එරෙහිවත්, විසි හතර වසරක් පුරා නොවිසඳුණු ගුරු - විදුහල්පති වැටුප් විෂමතා ඉවත් කර ගැනීමේ අරමුණින් මහනුවර පැවති උද්ඝෝෂණ වලට සහභාගිවූ ගුරුවරුන් හා විදුහල්පතිවරුන් පිරිසකට පෙරේදා [11] මහනුවර මහේස්ත්‍රාත් උසාවියේ  පෙනී සිටින ලෙස පොලිසිය  දැනුම් දී තිබුණි. 
 
ඔවුන්ගෙන් කිහිප දෙනෙක් එදින උසාවියට ඉදිරිපත් නොවුනේ නිසි පරිදි ඔවුන්ට සිතාසි නොලැබුණු නිසා යැයි ගුරු විදුහල්පති වෘත්තීය සමිති සන්ධානය පොලිස්පති වෙත දන්නා තිබේ.
 
''අධිකරණයට ඉදිරිපත් නොවූ බව පවසමින්, ජාතික ගුරු සභාව සංවිධානයේ ලේකම් සනත් ජයතිලක බලගොල්ල පොලිසිය විසින් බලහත්කාරයෙන් කොවිඩ් ඇන්ටිජන් පරීක්ෂණයක් සඳහා මැණික්හින්න සෞඛ්‍ය කාර්යාලය වෙත යොමු කර ඇති බවත්, හේවාහැට මධ්‍ය විද්‍යාලයේ විදුහල්පති කපිල ප්‍රියන්ත තලාතුඔය පොලිසිය මගින් එවැනිම බලහත්කාරී කොවිඩ් ඇන්ටිජන් පරිකෂණයකට තලාතුඔය සෞඛ්‍ය වෛද්‍ය කාර්යාලය වෙත යොමු කළ පසුව  කඩුගන්නාව පොලිසිය මගින් ද ඔහුට ඇන්ටිජන් පරික්ෂණයක් කළ යුතුයැයි දුරකතනයෙන් දැනුම් දී තිබේ'' යැයි  ගුරු විදුහල්පති වෘත්තීය සමිති සන්ධානය පවසයි.
 
එදින මහේස්ත්‍රාත් අධිකරණයට ඉදිරිපත් නොවුණු අයට වරෙන්තු නිකුත් කිරීමක් හෝ කොවිඩ් ඇන්ටිජන් පරීක්ෂණ කිරීමේ නියෝගයක් අධිකරණයෙන් ලබා නොදුන් බව පවසන ගුරැ විදුහල්පති වෘත්තීය සමිති සන්ධානය, පොලිස්පති ගෙන් ඉල්ලා සිටින්නේ පොලිසිය විසින් නීතිය අවභාවිතා කරමින් ගුරු සටන මර්දනය කිරීම ගැන සොයා බලා මෙවැනි බලහත්කාරී ක්‍රියාවන් නතරකරන ලෙසයි.
 
මිට දින කිහිපයකට පෙර ගුරු විදුහල්පති වෘත්තීය සමිති සන්ධානය මගින් පොලිස්පතිට ලියා දැන්වූයේ ගුරැ විරෝධතා මැඩලීම වෙනුවෙන් ගුරු හා විදුහල්පතිවරුන් අත්අඩංගුවට නොගන්නා ලෙසය. 
 

 
 
THE LEADER TV 
 
ගෑස් මිළ ඉහළට : සමාගම යෝෂිතට ?
 
 
පවිත්‍රාදේවීට පලනොකියා පලාබෙදිල්ලක් ! 
 

Follow Us

Image
Image
Image
Image
Image
Image

Exchange Rates

නවතම පුවත්