1200 x 80 DMirror
 
 

 
මාස දෙක හමාරකට ආසන්න කාලයක් වෘත්තිය අරගලයක යෙදී සිටින ගුරුවරුන් දෙදෙනෙක් පොලිසිය බාර ඇමැතිවරයාගේ ප්‍රසිද්ධ තර්ජනයකින් පසු
අපරාධ පරීක්ෂණ දෙපාර්තමේන්තුවට කැදවීම ආණ්ඩුවේ සැලසුමක් අනුව කළ කුමන්ත්‍රණයක් බවට ගුරුවරු හා විදුහල්පතිවරු චෝදනා කරති.
 
ගුරු-විදුහල්පති සේවාවල පවතින වැටුප් විෂමතා ඉවත් කිරීමට බලකරමින් 2021 ජුලි 12  වැනි දින සිට සියලු ගුරු විදුහල්පතිවරු වෘත්තීය ක්‍රියාමාර්ගවල නිරතව සිටින අතර, මේ වන විට එම වෘත්තීය ක්‍රියාමාර්ග දින 71 ක් දක්වා ඉදිරියට පැමිණ තිබේ.
 
එසේ තිබියදී  සැප්තැම්බර් 21 වැනි අගහරුවාදා දින අපරාධ පරීක්ෂණ දෙපාර්තමේන්තුවට කැඳවන ලද ගුරු විදුහල්පති වෘත්තීය ක්‍රියාමාර්ගවල නිරතව සිටින ශ්‍රී ලංකා ජාතික විදුහල්පති සංගමයේ සභාපති මොහාන් පරාක්‍රම වීරසිංහ සහ ස්වාධීන අධ්‍යාපන සේවක සංගමයේ සාමාජිකාවක වන මිනුවන්ගොඩ ප්‍රදේශයේ ගුරුවරියක උදෑසන දහයේ සිට පස්වරු තුන වන විටත් අපරාධ පරීක්ෂණ දෙපාර්තමේන්තුවේ රඳවා සිටී.
 
  
ගුරු  වෘත්තීය අරගලයට දිගින් දිගටම විවිධ අවලාද නගමින් සිටින පොදු ජන අධ්‍යාපන සේවක සංගමය විසින් ආණ්ඩුවේ උවමනාව මත සිදු කරන ලද කුමන්ත්‍රණ ක්‍රියාවලියක් ලෙස ගුරු විදුහල්පතිවරු මෙලෙස අපරාධ පරීක්ෂණ දෙපාර්තමේන්තුවට කැඳවීම හැදින්විය හැකි බවයි ගුරු-විදුහල්පති වෘත්තීය සමිති සන්ධානය පවසන්නේ.
 
 
සැප්තැම්බර් 16 දින ආණ්ඩුවට සම්බන්ධ වෘත්තීය සමිතියක් වන පොදු ජන අධ්‍යාපන සේවක සංගමයේ පිරිසක් වර්ජනයේ නිරත නොවන ගුරුවරුන්ට තර්ජනය කරන බවට සරත් වීරසේකර අමාත්‍යවරයාට පැමිණිල්ලක් සිදු කර තිබුනි.
 
ඉන් පසු සැප්තැම්බර් 17  වැනි දින සරත් වීරසේකර අමාත්‍යවරයා මාධ්‍ය සාකච්ඡාවක් පවත්වමින් ගුරු විදුහල්පතිවරුන්ගේ වෘත්තීය ක්‍රියාමාර්ගය ත්‍රස්තවාදී ක්‍රියාවක් ලෙස හඳුන්වමින් වර්ජනයට සහභාගි නොවන ගුරුවරුන්ට තර්ජනය කරන බවට තමන්ට පැමිණිලි ලැබී ඇති බව පවසමින් ඒ සම්බන්ධයෙන් කටයුතු කිරීමට අපරාධ පරීක්ෂණ දෙපාර්තමේන්තුවට දැනුම් දී ඇති බව ප්‍රකාශ කළේය.
 
 
 

 
ගුරු-විදුහල්පති වෘත්තීය සමිති සන්ධානය පෙන්වා දෙන්නේ, එදිනම පොලිස් මූලස්ථානය ද නිවේදනයක් නිකුත් කරමින් එවැනි තර්ජන සිදුවන්නේ නම් 119 දුරකතන අංකයට හෝ ළඟම පොලිස් ස්ථානයට පැමිණිලි කරන ලෙස දැනුම් දුන් බවයි.
 
මෙම දැනුම්දීම්වලින් පසු සැප්තැම්බර් 18 වන දින ඉහත සඳහන් කළ විදුහල්පතිවරයා සහ ගුරුවරියට අපරාධ පරීක්ෂණ දෙපාර්තමේන්තුවට පැමිණෙන ලෙස දුරකතන ඇමතුම් මගින් දැනුම් දී තිබේ.
 
"ඔවුන් අද දින පැමිණිය හැකි බව දැනුම් දෙන ලදී. අනතුරුව පොලීසියෙන් ඔවුන්ගේ නිවෙස්වලට ද පැමිණ අදාළ කැඳවීම සිදු කරන ලද අතර, ඔවුන් අද දින අපරාධ පරීක්ෂණ දෙපාර්තමේන්තුවට කැඳවන ලදී."
 
ජෝසප් ස්ටාලින්  සහ  මහින්ද ජයසිංහ යන ජ්‍යෙෂ්ඨ ගුරු සංගම් නායකයන් දෙදෙනාගේ අත්සනින් යුතුව සැප්තැම්බර් 21 වැනි අගහරුවාදා නිකුත් කර තිබෙන නිවේදනයක් මගින් අවධාරණය කර ඇත්තේ, වෘත්තීය සමිති ආඥා පනතට අනුව වෘත්තීය ක්‍රියාමාර්ග සම්බන්ධයෙන් ගුරු විදුහල්පතිවරු දැනුවත් කිරීමට නීත්‍යානුකූල අයිතියක් ඇති අතර, සියලු ගුරු විදුහල්පතිවරු ස්වේච්ඡාවෙන් වෘත්තීය ක්‍රියාමාර්ගයේ අඛණ්ඩව නිරත වෙමින් සිටින බවයි.
 
 
 ''නාටකීය ක්‍රියාමාර්ග නවතා සාධාරණ විසඳුමක් දෙන්න''
 
 
මේ තත්වය තුළ මෙම වෘත්තීය අරගලයට දිගින් දිගටම විවිධ අවලාද නගමින් සිටින පොදු ජන අධ්‍යාපන සේවක සංගමය විසින් ආණ්ඩුවේ උවමනාව මත සිදු කරන ලද කුමන්ත්‍රණ ක්‍රියාවලියක් ලෙස ගුරු විදුහල්පතිවරු මෙලෙස අපරාධ පරීක්ෂණ දෙපාර්තමේන්තුවට කැඳවීම පෙන්වා දෙන ගුරු සංගම් නායකයන් අවධාරණය කරන්නේ, තර්ජනයක් පැවතියේ නම් පොලීසියට පැමිණිලි නොකර සරත් වීරසේකර ඇමතිවරයාට පැමිණිලි කිරීමෙන්ම එය පැහැදිලි වන බවයි.
 
මෙවැනි කුමන්ත්‍රණකාරී ක්‍රියාමාර්ගවලින් ගුරු විදුහල්පති අරගලය නතර කිරීමට හෝ ගුරු විදුහල්පතිවරු බිය ගැන්වීමට නොහැකි බව අවධාරණය කරන ගුරු-විදුහල්පති වෘත්තීය සමිති සන්ධානය ආණ්ඩුවෙන් ඉල්ලා සිටින්නේ "මෙවැනි නාටකීය ක්‍රියාමාර්ග නවතා" ගුරු විදුහල්පතිවරුන්ගේ වැටුප් විෂමතා ගැටලුවට පිළිගත හැකි සාධාරණ විසඳුමක් ලබාදීමට කටයුතු කරන ලෙසයි.  
 
 

ගුරු නායකයන් අපරාධ පරීක්ෂණ දෙපාර්තමේන්තුවට කැඳවීම ගැන සුනන්ද දේශප්‍රිය මුහුණු පොතේ පළ කළ සටහනක් පහතින්,

 WhatsApp Image 2021 09 21 at 5.07.56 PM
 

THE LEADER TV 
 
ජාතිකවාදීන්ට අවසන් දැනුම්දීමක්! 
 
 
උන් උන්ම නිදොස් කොට නිදහස් 
 
 
 
 

subscribeYT

subscribeYT

WhatsApp Image 2021 09 13 at 13.49.58