1200 x 80 DMirror

 
 

ආණ්ඩුවේ දැඩි මර්දනය හමුවේ නොසැලී සටන් කර වැටුප් විෂමතා ඉවත් කරගැනීමට සමත් වූ ගුරු අරගලයෙන් අනතුරුව

"වැඩිකළ ගුරු වැටුපට සාපේක්ෂව සෞඛ්‍ය වෘත්තික වැටුප් ගලපනු" ඇතුළු ඉල්ලීම් හතක් මුලික කරගනිමින් සෞඛ්‍ය වෘත්තීයවේදීන් ජනවාරි 12 වැනි බදාදා උතුරු මැද පළාතේ සියළු රෝහල් වල වර්ජන ක්‍රියාමාර්ගයක් දියත් කර තිබේ.


මෙම වර්ජනය සදහා වෛද්‍ය රසායනාගාර විද්‍යාඥ වෘත්තීයවේදීන් ඇතුළු සියළු පරිපූරක වෛද්‍ය වෘත්තිකයන්, හෙද හා අතුරු වෛද්‍ය වෘත්තිකයන්  සහභාගී වු බව පළාත් බද වාර්තාකරුවෝ පවසති.

එම වර්ජනයට සමගාමීව අනුරාධපුර ශික්ෂණ රෝහල ඉදිරිපිටට රැස්වී විරෝධා පා ගමනක්  දියත් කර රැලියක් පැවැත්වීමටත් උද්ඝෝෂකයන් ක්‍රියා කර තිබේ.

වැඩ වර්ජනය සම්බන්ධයෙන් ජනවාරි 11 වැනි අගහරුවාදා කොළඹදී මාධ්‍ය හමුවක් පවත්වමින් සෞඛ්‍ය වෘත්තීයවේදීන්ගේ සම්මේලනයේ කැදවුම්කරු රවී කුමුදේශ් පවසා තිබුනේ ජනවාරි 19  වැනිදා බස්නාහිර සියළු රෝහල් වර්ජනයට සූදානම් බවයි.

"ලබන 25 වෙනිදා සිට අපි දීප ව්‍යාප්ත වර්ජන ආරම්භ කරනවා. රෝගීන් ගැන බොරු අනුකම්පාව පෙන්න්වන්න ඒ වෙනකන් ඉන්න එපා." ඔහු බලධාරීන්ට අවධාරණය කර තිබුනි.



වෘත්තියවේදියා පෙන්වා දෙන්නේ වසර හතරක විශේෂ වෘත්තීමය උපාධියක් හෝ උසස් ඩිප්ලෝමාවක් ඇති සෞඛ්‍ය වෘත්තීයවේදීන්ට අද පවතින්නේ, උසස්පෙල සමත් අයෙකුට හිමි වැටුපටත් වඩා අඩු වැටුපක් බවයි.

 

"මුරුත්තෙට්ටුවේ ආනන්ද හාමුදුරුවෝ ගුරු වැටුප් විෂමතාවය විසදන්න බලහත්කාරයෙන් ඔළුව දාන්න ගියා අපිට මතකයි. ඔන්න දැන් ගුරුවරු තමන්ගේ වැඩේ කරගෙන. දැං ලොකුම අසාධාරණය වෙලා තියෙන්නේ හෙද සේවාවට සහ අනෙකුත් සෞඛ්‍ය වෘත්තීයවේදීන්ට. අවුරුදු 4ක විශේෂ  වෘත්තීමය උපාධියක්, එහෙම නැත්නම් උසස් ඩිප්ලෝමාවක් තියන හෙද නිලධාරියෙකුට, උසස්පෙල සමත් කෙනෙකුට තියන වැටුපටත් වඩා අඩු වැටුපක් අද තියෙන්නේ. අනුන්ගේ ප්‍රශ්න  බලෙන් විසදන්න යන්නේ නැතුව, දැන්වත් තමන්ගේ ප්‍රශ්නය විසදන්න මහන්සි වෙන්න කියලා අපි උන් වහන්සේගෙන් ගෞරවයෙන් ඉල්ලා සිටිනවා." රවී කුමුදේශ් කොළඹදී මාධ්‍ය වෙත පවසා තිබුනි.

සිය ඉල්ලීම් වලට විසදුම් ඉල්ලා සෞඛ්‍ය වෘත්තියවේදීන් මේ වන විට දිවයිනේ පළාත් අටක් තුළ වැඩ වර්ජන සහ විරෝධතා පෙළපාලි දියත් කර තිබේ.

Protest Health Workers 1

Protest Health Workers 2

Protest Health Workers 3

Protest Health Workers 4

Protest Health Workers 5

සෞඛ්‍ය වෘත්තීයවේදීන්ගේ අරගලයේ ප්‍රධාන ඉල්ලීම් පහත දැක්වේ.

1. පරිපූරක වෛද්‍ය, හෙද හා අතුරු වෛද්‍ය වෘත්තිකයන්ගේ උපාධිධාරී වැටුප් විෂමතාවය ඉවත් කිරීම,

2. සමාන්තර සේවා සමග පවතින වැටුප් විෂමතාවය ඉවත් කල රනුක්ගේ වැටුප් කමිටු නිර්දේශ වහා ක්‍රියාත්මක කිරීම,

3. වෛද්‍ය සේවාවේ ඒකාධිකාරියට ලක්ව ඇති සෞඛ්‍ය පරිපාලනය  සදහා පරිපූරක වෛද්‍ය, හෙද හා අතුරු වෛද්‍ය නිලධාරීන් සදහා අවස්ථාව සලසා දීම,

4. පාලනයකින් තොරව ඉහල යන ඖෂධ මිල, ගජ මිතුරන්ගේ ගසා කෑම සදහා ස්ථාපිත කර ඇති තාක්ෂණික ඇගයිම් මාෆියාව වැලැක්වීම සදහා විධිමත් කළමණාකරණ ක්‍රමවේදයක් ස්ථාපිත කිරීම,

5. දීමනා විෂමතාවය ඉවත් කිරීම,

6. අමාත්‍ය මණ්ඩලය අනුමත කළ  මාණ්ඩලික සේවා තත්වය, සහ 5/7 උසස්වීම් ක්‍රමය සදහා වහා චක්‍රලේඛ නිකුත් කිරීම,

7. රාජ්‍ය පරිපාලණ චක්‍රලේඛ 6/2006 මගින් ඇතිකර ඇති සේවා වර්ගීකරණය, උසස් වීම් ක්‍රමය, ඇතුලු අසාධාරණය වැඩවසම් ප්‍රතිපත්තිය ඉවත් කොට නව වැටුප් ක්‍රමවේදයක් ස්ථාපිත කිරීම.

 

 

Leader Whats app


 
 
 

සර් ජනමත විචාරණ තියන්න ඉස්සෙල්ලා පාරේ බැහැලා යන්න පුළුවන් විදිහක් හදලා දෙන්න.  

 

இலங்கையில் அவசர பொதுத் தேர்தல்? பிரதமர் வேட்பாளராக களமிறங்கும் பசில்!

 

  
කලින් ජනමත විචාරණයක් ! | මොණරවිලගේ ලියමන
 
 
 
ස'ගේ රාජාසන කතාව පැරදවීමේ සූදානමක්! | Gossip
 
 
 
ඩොලර් රහස | Mr. Opposite 
 

 
වියත් කතා/ පන්දාහේ කොලය වෙනුවට දහදාගේ කොලය
 

 

 

 

subscribeYT

subscribeYT

WhatsApp Image 2021 09 13 at 13.49.58

නවතම පුවත්