සම්බන්ධයෙන් පාර්ලිමේන්තු මන්ත්‍රී මුජිබුර් රහුමාන් ගෙන් අපරාධ පරීක්ෂණ දෙපාර්තමේන්තුව (CID) ප්‍රශ්න කර ප්‍රකාශයක් සටහන් කරගෙන තිබේ.
පොලිස් ආරංචි මාර්ග සඳහන් කරන්නේ අදාළ මත්ද්‍රව්‍ය ජාවාරම්කරු බන්ධනාගාරගතව සිටියදී ඔහු සන්තකයේ තිබී රහසිගත ජංගම දුරකථනයක් විමර්ශන නිලධාරීන් විසින් සොයාගෙන තිබූ බවයි. එම දුරකථනයේ දත්ත සහ ඇමතුම් වාර්තා (CDR) දීර්ඝ ලෙස විශ්ලේෂණය කිරීමේදී, අදාළ රැඳවියා සහ පාර්ලිමේන්තු මන්ත්‍රී මුජිබුර් රහුමාන් අතර අවස්ථා 50කට වඩා වැඩි වාර ගණනක් දුරකථන ඇමතුම් හුවමාරු වී ඇති බව නිරීක්ෂණය වී ඇත.
මේ පිළිබඳව සිදුකරන පුළුල් විමර්ශනවල පියවරක් ලෙස, මන්ත්‍රීවරයා කැඳවා මෙලෙස ප්‍රශ්න කිරීම් සිදුකර තිබේ.
''දේශපාලන පළිගැනීමක්; මම ඕනෑම පරීක්ෂණයකට ලෑස්තියි''
තමන්ගෙන් ප්‍රකාශ සටහන් කරගැනීමේ සිදුවීම සම්බන්ධයෙන් මාධ්‍ය වෙත අදහස් දක්වමින් මන්ත්‍රී මුජිබුර් රහුමාන් කියා සිටියේ මෙය තමන්ට එරෙහිව දියත් වන දේශපාලන කුමන්ත්‍රණයක සහ පළිගැනීමේ චේතනාවක ප්‍රතිඵලයක් බවයි.
තමන් මහජන නියෝජිතයෙකු වශයෙන් දිනකට විවිධ පුද්ගලයන්ගෙන් ඇමතුම් සිය ගණනක් ලබන බවත්, බන්ධනාගාරයක සිටින අයෙකු තමන් අමතන්නේදැයි හඳුනාගැනීමට තාක්ෂණික ක්‍රමවේදයක් තමන් සතු නොවන බවත් මන්ත්‍රීවරයා පැවසිය.
තමන් කිසිදු මත්ද්‍රව්‍ය ජාවාරම්කරුවකු දැනුවත්ව ආරක්ෂා කර හෝ එවැනි අය සමඟ අනවශ්‍ය සබඳතා පවත්වා නොමැති බව අවධාරණය කළ මන්ත්‍රීවරයා, ඕනෑම සාධාරණ විමර්ශනයකට මුහුණ දීමට තමන් සූදානම් බවද වැඩිදුරටත් පැවසීය.
කෙසේ වෙතත්, අදාළ රැඳවියා බන්ධනාගාරය තුළ සිටිමින් දුරකථන පරිහරණය කළේ කෙසේද සහ මෙම ඇමතුම් හරහා සිදුවූ සන්නිවේදනයේ අරමුණ කුමක්ද යන්න සෙවීම සඳහා අපරාධ පරීක්ෂණ දෙපාර්තමේන්තුව මේ වන විට විශේෂ විමර්ශනයක් අරඹා ඇත.
