ඔහු මෙම අදහස් පළ කළේ රජයේ වෛද්‍ය නිලධාරීන්ගේ සංගමය ඊයේ (12) කැඳවා තිබූ මාධ්‍ය හමුවේ දී ය.
එම මාධ්‍ය හමුවේ දී වැඩි දුරටත් අදහස් දක්වමින් වෛද්‍ය හංසමාල් පැවසුවේ විශේෂඥ වෛද්‍යවරුන් ගේ ගැටලු සඳහා අල්පමාත්‍රයක විසඳුමක් අයවැය තුළන් නොමැති බවයි.
.
2026 අය වැයෙන් විශේෂඥ වෛද්‍යවරුන් ගැටලු කිසිවක් විසඳී නැහැ - GMOA සභාපති
මෙම මාධ්‍ය සාකච්ඡාවට සහභාගි වූ රජයේ වෛද්‍ය නිලධාරීන්ගේ සංගමයේ සභාපති වෛද්‍ය සංජිව තෙන්නකෝන් පැවසුවේ පසුගිය සමයෙහි රටේ පැවති ආර්ථික අපහසුතා මධ්‍යයේ විශේෂඥ වෛද්‍යවරු ද අපහසුතාවලට මුහුණ දුන් බවයි.
ඒ අවස්ථාවේ දී සෞඛ්‍ය සේවයේ නියුතු සියලු පිරිස් එක් එක් ආකාරයේ කැපවීම් කළ බව පෙන්වාදුන් වෛද්‍ය සංජිව තෙන්නකෝන් වැඩි දුරටත් පවසා සිටියේ මේ වන විට රටෙහි පවතින ආර්ථික ස්ථාවරය හේතුවෙන් එබදු කැප කිරිමක් කළ සෞඛ්‍ය ක්ෂේත්‍රය නියෝජනය කරන විශේෂඥ වෛද්‍යවරුන් ඇතුළු අනෙකුත් ශ්‍රේණිගත වෛද්‍යවරු හට යම් සහනයක් ලැබෙතැයි බලාපොරොත්තු වුව ද 2026 යෝජිත අයවැයේ විශේෂඥ වෛද්‍යවරුන්ගේ ගැටලු කිසිවක් විසඳී නොතිබූ බවයි.
2026 අය වැය විශේෂඥ වෛද්‍යවරු නොසලකා හැරලා - GMOA උප සභාපති වෛද්‍ය චන්දික එපිටකඩුව
ආණ්ඩුව 2026 වසර සඳහා ඉදිරිපත් කළ අය වැය ලංකාවේ සෞඛ්‍ය ක්ෂේත්‍රය සමග කෙතෙක් දුරට අනුගත ද සහ වෛද්‍යවරු මුහුණ පා සිටින ප්‍රශ්නවලට පිළිතුරු සපයනවා ද යන්න ගැටලු සහගත යැයි රජයේ වෛද්‍ය නිලධාරීන්ගේ සංගමයේ උප සභාපති වෛද්‍ය චන්දික එපිටකඩුව පැවසී ය.
එබැවින් විශේෂඥ වෛද්‍යවරුන් පිළිබඳව 2026 අයවැයෙන් නොසලකා හැරීම කිසිසේත් පිළිගත නොහැකි කරුණක් යැයි GMOA උප සභාපති වෛද්‍ය චන්දික එපිටකඩුව අවධාරණය කළේ ය.
14වන සිකුරාදා සියලු විශේෂඥ වෛද්‍යවරුන් කොළඹට කැඳවනවා - GMOA උප සභාපති වෛද්‍ය රුක්මල් ගුණතිලක
විශේෂඥ වෛද්‍යවරු මේ වන විට තමන් වෙත ලැබෙන වැටුපට අමතරව වැටුප් හෝ කිසිදු ගෙවීමක් රහිතව වෙනත් පරිබාහිර කටයුතු කිහිපයක ම දෙනේනේ යැයි රජයේ වෛද්‍ය නිලධාරීන්ගේ සංගමයේ උප සභාපති වෛද්‍ය රුක්මල් ගුණතිලක එම මාධ්‍ය හමුවේ දී පැවසී ය.
එබඳු ත්ත්වයක් තුළ පවා මෙවර අය වැය තුළින් විශේෂඥ වෛද්‍යවරු බලාපොරොත්තු වූ කිසිදු සහනයක් ලැබි නැති බවත්, මෙම කරුණු සලකා බලා මේ සම්බන්ධයෙන් තීරණයක් ගැනීම සඳහා එළඹෙන 14වන සිකුරාදා සියලු විශේෂඥ වෛද්‍යවරුන් කොළඹ GMOA මූලස්ථානයට කැදවීමට තීරණය කර ඇති බව හෙතෙම අවධාරණය කළේ ය.
