ඝාතනය සහ ඒහා බැදුණු මිග් -27 ගනුදෙනුව පිළිබඳ ජ්‍යෙෂ්ඨ මාධ්‍යවේදී සනත් බාලසූරිය විසින් රචිත ගවේෂණාත්මක කෘතිය ජනවාරි 27 අගහරුවාදා පස්වරු 3 ට කොළඹ මහජන පුස්තකාල ශ්‍රවනාගාරයේදී ජනගත කෙරේ.
මෙහිදී ආචාර්ය දීපිකා උඩගම , සාහිත්‍යවේදී ගාමිණී වියන්ගොඩ , ජ්‍යෙෂ්ඨ මාධ්‍යවේදී අමීර් නික්සන් , ජ්‍යෙෂ්ඨ මාධ්‍යවේදී ලසන්ත රුහුණගේ දෙසුම් පැවැත්වීමට නියමිත ය. උළෙල මෙහෙයවීම ජ්‍යෙෂ්ඨ මාධ්‍යවේදී කුමාර අලගියවන්න විසිනි. කෘතිය ජනගත කිරීම සංවිධානය ශ්‍රී ලංකා වෘත්තීය ජනමාධ්‍යවේදීන්ගේ සංගමය යි.
ලසන්ත වික්‍රමතුංග ඝාතනය සහ ඒහා බැඳුණු මිග් -27 ගනුදෙනුව පිළිබඳව සනත් බාලසූරිය අප සහෝදර මාධ්‍යවේදියා විසින් දීර්ඝ කාලයක් තිස්සේ කරන ලද ගැඹුරු ගවේෂණයක ප්‍රතිඵලයක් ලෙස "රාජ්‍ය අපරාධකාරීත්වයේ අක්මුල් සොයා" Who is Lasantha කෘතිය නිමවා තිබේ.
යුද්ධයට මුවාවී රටේ මහජන බදු මුදල් රුපියල් කෝටි ප්‍රකෝටි ගණනක් ගසාකා ඇති අයථා ගනුදෙනු රැසකින් එක් බරපතල වංචනික ගනුදෙනුවක් වන්නේ මිග් - 27 ගනුදෙනුවයි. Sunday Leeder පුවත්පතේ ප්‍රධාන කර්තෘ ලසන්ත වික්‍රමතුංග මහමගදී කුරිරු ලෙස ඝාතනය කරනු ලබන්නේ මෙකී දූෂීත ගනුදෙනුව මුළුමණින්ම රටට හෙළිදරව් කිරීම නිසාම බව අප කව්රුත් දන්නා සත්‍යයකි.
එකී ඝාතනය වසන් කිරීම පිණිස තවත් කී දෙනකු ඝාතනය කර තිබේද ? ශ්‍රීපති සූරියආරච්චි මිය යාමට පෙර අල්ලස් කොමිසමට කළ පැමිණිල්ලට සිදුවූයේ කුමක් ද ? එම පැමිණිල්ල විභාගයට ගත් එවකට අල්ලස් හෝ දූෂණ විමර්ශන කොමිසමේ අධ්‍යක්ෂ ජෙනරාල්ට සිදුවූයේ කුමක්ද ? අවසානයේ Sunday Leeder පුවත්පත මිලට ගත්තේ කව්ද ? ඊට මුදල් වැය කළේ කව්ද ? ඉන්පසු එම පුවත්පතින් රටට කිව්වේ මොනවාද ? මේ සියලු තොරතුරු සනත් බාලසූරියගේ දීර්ඝ ගවේෂණයට නතුවී තිබේ.
ආදරණීය සහෘදයිනි..!
27 වැනි අගහරුවාදා සවස 3 ට කොළඹ මහජන පුස්තකාල ශ්‍රවනාගාරයට ගොඩවැදී මාධ්‍ය මිතුර මිතුරියන්, සමාජ ක්‍රියාධරයන් සම්මුඛවන ලෙස ඉල්ලා සිටිමු
(සහෝදරත්වයෙන් පෝද්දල ජයන්ත)
උපුටා ගැනීම - Poddala Jayantha ගේ ෆේස්බුක් පිටුවෙන් ..
