පැපුවා නිව් ගිනියාවේ පෝට් මොස්බි අගනුවර ඇතිවූ කැරලි කෝලහාල නිසා අවම වශයෙන් පුද්ගලයින් 8 දෙනකු මියගොස් තිබේ.
වැටුප් සම්බන්ධ ආරවුලක් මත එරට පොලිසිය වැඩවර්ජනයක් ආරම්භ කිරීමෙන් පසුව බදාදා දින (10) කැරලිකරුවන් වෙළඳසැල් සහ මෝටර් රථ ගිනිබත් කර සාප්පු සංකීර්ණ කොල්ල කා ඇති අතර දහස් ගණන් ජනයා වීදි බැස ඇති බව එරට මාධ්ය වාර්තා කරයි.
පැපුවා නිව් ගිනියා අගමැති ජේම්ස් මරාපේ ජාතිය අමතමින් කියා සිටියේ නීති කඩ කිරීම් නොඉවසන බවයි.
"නීතිය කඩකිරීමෙන් කිසි අරමුණක් සඵල වෙන්නේ නැහැ," ඔහු බ්රහස්පතින්දා (11) ප්රකාශ කළේ ය.
කැරලි මැඩපැවැත්වීම සඳහා අගනුවරට හමුදාව යොදවා තිබේ.