සමාජ මාධ්‍ය තුළ බොහෝ දෙනෙකු අනුදි ගුණසේකරට සහය පළ කරන අතර, ඇතැම් පිරිස් එයට වෙනස් අදහස් ප්‍රකාශ කර තිබේ.
යුතුකම සංවාද කවය ප්‍රධානියකු වන හිටපු පාර්ලිමේන්තු මන්ත්‍රී ගෙවිඳු කුමාරතුංග (Gevindu Cumaratunga) ඇය සම්බන්ධයෙන් සිය ෆේස්බුක් පිටුවේ පළකර ඇති සටහනක් මතු පළවේ.
''ඇය අපගේ මවුබිමට තවතවත් ජයග්‍රහණ ගෙන එත්වා''
''මේ දිනවල ලෝක රූ රැජිණ තරඟයට ඉතා සාර්ථක ලෙස මුහුණ දෙන අනුදි ගුණසේකර යෞවනිය අපේ තරුණ පරපුර පිළිබඳ සමාජ විනිශ්චයන් උඩු-යටිකරමින් ඇත.
අලුත් පරම්පරාව ගැන බොහෝවිට අසන්නට ලැබුණු අපත කතාවලට වෙනස් ජීවමාන ආදර්ශයක් ඇය අප ඉදිරියේ තබමින් සිටී!
ලෝක වේදිකාවක ජය කෙහෙළි නංවමින් අනුරාධපුරය (පිටිසර) ගැන, නිදහස් අධ්‍යාපනය ගැන, අප ගේ සරසවි ගැන... පොදුවේ ලංකාව ගැන, ඇය ප්‍රකට කරන ධනාත්මක හා හෘදයාංගම ආකල්ප සුවිශිෂ්ට ය.
ඇය තමා ලැබූ නිදහස් අධ්‍යාපනය වෙනුවෙන් පෙරලා සමාජයට සේවය කළ යුතු බව කියයි; අනාගත රැකියාව ලෙස රාජ්‍ය සේවය (වීදේශ සේවය) තොරාගන්නා බව කියයි!
ඇය, ඇගේ පාරම්පරාවේ සැබෑ නියෝජනයක් ද? එසේ නම් අප රටට දීප්තිමත් අනාගතයක් පිළිබඳ බලාපොරොත්තු තබාගත හැකි ය.
අනුදී මේ ලෝක රූ රැජින තරගයේ ඉදිරියට යත්වා!
දිදුලන අනාගතයකට හිමිකම් කියන ඇය අප ගේ මවුබිමට තවතවත් ජයග්‍රහණ ගෙන එත්වා!!
ඇයව හඳන්වා දුන් වීඩියෝව:
තමා ගැන කළ ඉදිරිපත් කිරීම:
(ගෙවිඳු කුමාරතුංග)
යුතුකම සංවාද කවය
හිටපු පාර්ලිමේන්තු මන්ත්‍රී
gevinducumaratunga@gmail.com
Gevindu Cumaratunga ගේ ෆේස්බුක් පිටුවෙන්..