කොළඹ මහ නගර සභාවේ බලය පිහිටුවීම සඳහා ආසන 117 න් 59 ක් තිබිය යුතු ය.
"බහුතරය අපට" යැයි කීවාට, මාලිමාවට කොළඹ මහ නගර සභාවේ බලය ලබා ගැනීමට නම් තව ආසන 11 ක් තිබිය යුතු ය.
එක ගොන්නට ඒ සංඛ්‍යාව ලබා ගන්නවා නම් ගත හැක්කේ එ.ජා.ප 13 හවුල් කර ගැනීමෙන් පමණි. එසේ නොවේ නම් පොහොට්ටු පක්ෂයත්, මුස්ලිම් කොංග්‍රසයත්, සර්වජන බලවේගයත් හවුල් කරගත යුතු ය. එහෙත් ගැටලුවක් පවතී. එනම්, ඒ සැවොම දූෂිතයින් යැයි කියා හංවඩු ගසා ඇති බැවින් දැන් ඔවුන් කිසිවෙකු හවුල් කරගත නොහැකි ය.
විකල්පයක් ලෙස ස්වාධීන කණ්ඩායම් සාපේක්ෂව පිරිසිදු යැයි ඔවුන් හවුල් කර ගත්ත ද එතැන ඇත්තේ ආසන 09කි. එහෙත් තවත් ආසන 02ක් නැතිව කොළඹ මහ නගර සභාවේ බලය ගැනීමට නොහැකි ය. ඒ තත්වය අනුව මා බලා සිටින්නේ මාලිමාව තවත් පිරිසිදු 02 ක් හොයාගන්නේ කෙසේද කියා නොවේ; ඔවුන් අවංක කියන සිංහල වචනයට දෙන අලුත් අර්ථකථනය කුමක්දැයි කියා ය.
කොළඹ නගර සභාවේ ආසන හිමිව ඇත්තේ මතු දැක්වෙන පරිදි ය.
NPP – ආසන 48
SJB – ආසන 29
UNP – ආසන 13
SLPP – ආසන 5
SLMC – ආසන 4
Ind Group 03 – ආසන 3
Ind Group 05 – ආසන 2
UPA – ආසන 2
SB – ආසන 2
Ind Group 04 – ආසන 2
PA – ආසන 1
NFF – ආසන 1
URF - ආසන 1
Ind Group 01 – ආසන 1
Ind Group 02 – ආසන 1
DNA – ආසන 1
People’s Party – ආසන 1
(සටහන | කුසල් පෙරේරා)
ප්‍රවීන දේශපාලන විචාරක හා ජ්‍යෙෂ්ඨ මාධ්‍යවේදී
kusal.perera@gmail.com