ඔහු මෙම අදහස් පළ කළේ CARBON TV Youtube නාලිකාව සමග ''අවතරණය'' කෘතිය පිළිබඳ කළ සාකච්ඡාවක දී ය.
එම සාකච්ඡාවේ දී වැඩි දුරටත් අදහස් දක්වමින් එරන්ද ගිනිගේ සඳහන් කළේ තමන් එම අත්දැකීම් අළලා කෘතියක් නොලිව්ව ද ගෝඨාභය රාජපක්ෂ, විමල් වීරවංශ ඇතුළු කිහිප දෙනෙක් අරගලයේ අත්දැකීම් අළලා කෘති කිහිපයක් ම රචනා කළ බවයි.
මෙම සාකච්ඡාවට සහභාගි වූ සමබිම පක්ෂයේ නායක දීප්ති කුමාර ගුණරත්න පැවසුවේ අපගේ පංචේන්ද්‍රියන්ගෙන් ග්‍රහණය වන ඥානය එක් මොහොතක දී සත්‍ය යැයි මිනිස්සු පිළිගත් බවයි. නමුත් කාලයක් ගත වීමේ දී එය එසේ නොවන බව මිනිස්සු ම වටහාගත් බව ද හෙතෙම අවධාරණය කළේ ය.
ඒ සමග ම ''අවතරණය'' කෘතියෙහි අන්තර්ගතය සම්බන්ධයෙන් අදහස් දක්වමින් දීප්ති පැවසුවේ ජාතිකවාදින්ගේ පරණ තාලයේ වැඩ අත්හැර නව මාවතකට පිවිසෙන ලෙස මෙම කෘතියෙන් ආරාධනා කර ඇති බවයි.
මතු පළ වන්නේ එරන්ද ගිනිගේ සහ දීප්ති කුමාර හුවමාරු කරගත් අදහස් අන්තර්ගත සම්පූර්ණ විඩියෝව යි.
සාකච්ඡාව මෙහෙයවන ලද්දේ රුවන් හපුආරච්චි විසිනි.
