ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ YouTube නාලිකාව සමග පැවැත්වූ සාකච්ඡාවකට සහභාගි වෙමිනි.
එම තත්ත්වය සමනය කර ගැනීමට නම් සාකච්ඡා කළ යුත්තේ මෙටා සමාගම සමග බවත්, ලංකාවේ මේ සම්බන්ධයෙන් සාකච්ඡා කර ඵලක් නොවන බවත් හෙතෙම අවධාරණය කළේ ය.
එමෙන් ම Facebook අවකාශය තුළ සිදුවන ඇතැම් අවභාවිත සඳහා නෛතික ක්‍රියා මාර්ග ගැනීම ද ඉතා අපහසු බව හෙතෙම පැහැදිලි කළේ ය.
එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ සමාජ මාධ්‍ය භාවිත කරන බොහෝ දෙනකු පුද්ගලිකත්වය ආරක්ෂා කළ යුතු යන මතය බැහැර කර ඇති බවයි.
උදාහරණයක් ලෙස විපුල ගෙන හැර දැක්වුයේ හිටපු ජනාධිපති රනිල් වික්‍රමසිංහ අත් අඩංගුවට ගත් මොහොතේ සිට සමාජ මාධ්‍ය භාවිත කරන ඇතැම් අය ඔහුගේ පුද්ගලිකත්වය පිළිබඳ නොසලකා හැරි බවයි. එය දියුණු ශිෂ්ට සමාජයක නොකළ යුත් දෙයක් බව ද හෙතෙම අවධාරණය කළේ ය.
මතු දැක්වෙන්නේ අදාළ සාකච්ඡාව ඇතුළත් සම්පූර්ණ වීඩියෝව යි.
සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන - ජයසිරි අලවත්ත)
