ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ YouTube නාලිකාව සමග පැවැත්වූ සාකච්ඡාවකට සහභාගි වෙමිනි.
මෙම තත්ත්වය මත හැකි ඉක්මනින් මෙබඳු ආයතන ප්‍රතිව්‍යුහ ගතකරන ලෙස පක්ෂයක් ලෙස ඉල්ලා සිටින බව ද දීප්ති කුමාර අවධාරණය කළේ ය.
රාජ්‍ය චිත්‍රපට සංස්ථාව ද ප්‍රතිව්‍යුහ ගත කළ යුතු තවත් රාජ්‍ය ආයතනයක් යැයි හෙතෙම පැහැදිලි කළේ ය.
එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ අප රට තුළ රජය මැදිහත් වී ව්‍යාපාර ආරම්භ කළේ එංගලන්ත අග්‍රමාත්‍ය වින්ස්ටන් චර්චිල් 1945 වසරේ දී පරාජයට පත්වූ පසු බලයට පැමිණි කම්කරු පක්ෂය විසින් ක්‍රියාත්මක කරන ලද යෝජනාවකට අනුව එය ලොව පුරා පැතිරීමේ ප්‍රවණතාවක් මත බවයි.
මතු දැක්වෙන්නේ අදාළ සාකච්ඡාව ඇතුළත් සම්පූර්ණ වීඩියෝව යි.
සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන - ජයසිරි අලවත්ත)
