ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ Youtube නාලිකාව සමග පැවැත්වූ සාකච්ඡාවකට සහභාගි වෙමිනි.
මේ සම්බන්ධයෙන් වැඩි දුරටත් අදහස් දැක්වූ දීප්ති පැවසුවේ ආණ්ඩුව කියන ආකාරයට නීතිය සැමට සමාන නම් රත්නපුර රෝහල් අධ්‍යක්ෂවරයා කොළඹට මාරු කළේ කුමන පදනමක් යටතේ ද යන්න පැහැදිලි කළ යුතු බවයි.
එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ වර්තමාණ ආණ්ඩුව කර තිබෙන නරක ම ක්‍රියාව ජනාධිපති ලේකම් ලෙස තමන්ගේ හිතවතකු පත් කිරීම බවයි.
අදාළ පුද්ගලයා එම තනතුරට අවශ්‍ය සුදුසුකම් සපුරා තිබුණේ නම් එහි ගැටලුවක් නොවන බවත්, මේ වන විට රාජ්‍ය තන්ත්‍රයේ පැන නැගෙන සියලු ගැටලු සඳහා මූලික හේතුව වන්නේ ද එම පත්වීම යැයි ද හෙතෙම අවධාරණය කළේ ය.
මතු දැක්වෙන්නේ අදාළ සාකච්ඡාව ඇතුළත් සම්පූර්ණ වීඩියෝව යි.
සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන - ජයසිරි අලවත්ත)
