ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ YouTube නාලිකාව සමග පැවැත්වූ සාකච්ඡාවකට සහභාගි වෙමිනි.
ඒ සඳහා උදාහරණයක් ලෙස ඔහු පෙන්වා දුන්නේ සජිත් ප්‍රේමදාස පවසන 'තමන් බලයට පැමිණියහොත් IMF ගිවිසුම අහෝසි කරනවා' බඳු ප්‍රකාශ තක්කඩි ප්‍රකාශ බවයි. මන්ද ඔහු බලයට පැමිණිය ද මේ පවතින රටාවෙන් බැහැර විය නොහැකි යැයි හෙතෙම අවධාරණය කළේ ය.
එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ සජිත් ප්‍රේමදාස පවසන්නේ මොනවා ද යන්න කිසිවකුට නොතේරෙන බවයි. එම නිසා සිදුවන්නේ අපේ රටට පැමිණීමට නියමිත ආයෝජකයින් පවා ආපසු හැරී යෑම යැයි ඔහු අවධාරණය කළේ ය. ඔහු ඊට හේතුව ලෙස පැහැදිලි කළේ ඉදිරියේ දී බලයට පත්වන ආණ්ඩුව පිළිබඳ ආයෝජකයින්ට විශ්වාසයක් නොමැති බවයි.
මතු දැක්වෙන්නේ අදාළ සාකච්ඡාව ඇතුළත් සම්පූර්ණ වීඩියෝව යි.
සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන - ජයසිරි අලවත්ත)