ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ YouTube නාලිකාව සමග පැවැත්වූ සාකච්ඡාවකට සහභාගි වෙමිනි.
එය වඩාත් පැහැදිලි කරමින් දීප්ති කුමාර පැවසුවේ විදුලිබල මණ්ඩලය ප්‍රතිව්‍යහගත කර එය නිසි පිළිවෙළකට සකසන්නැයි IMF ආයතනය පවසද්දී රාජ්‍ය එය නොතකා හරිමින් සිටින බවයි.
එබදු අවස්ථාවල දී ජාත්‍යන්තරය අපේ රට පිළිබඳ ගන්නා තීන්දු තීරණ කුමනාකාරදැයි කිසිවකුට සිතා ගැනීමටවත් නොහැකි වනු ඇතැයි ද හෙතෙම අවධාරණය කළේ ය.
එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ ලෝකයේ මේ වන විට වැඩිපුර ම පවතින්නේ නරක දේශපාලනයක් බවයි.
දිව්‍ය ලෝකයට යා නොහැකි වුව ද අපායට යෑම වළකා ගත යුතු යැයි ඒක්සත් ජාතින්ගේ සංවිධානය පැවසුව ද මේ වන විට ලෝකය කරමින් සිටින්නේ තෝරාගත් පිරිසක් අපායට යවන බව යැයි ද හෙතෙම අවධාරණය කළේ ය.
මතු දැක්වෙන්නේ අදාළ සාකච්ඡාව ඇතුළත් සම්පූර්ණ වීඩියෝව යි.
සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන - ජයසිරි අලවත්ත)