ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ youtube නාලිකාව සමග පැවැත්වූ සාකච්ඡාවකට සහභාගි වෙමිනි.
වර්තමානයේ දී එය මහ ජනතාව අතරට ම පත්ව ඇති බව උදාහරණ සමග ම දීප්ති කුමාර පැහැදිලි කළේ ය.
එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ දක්ෂිණාංශික ජනප්‍රියවාදය මෙන් ම වාමාංශික ජනප්‍රියවාදය ද ඉතා භයානක බවයි.
උදාහරණයක් ලෙස ඔහු පැවසුවේ පෙර වකවානුවක දී එවකට පැවති ආණ්ඩුවක් විසින් ඉදිරිපත් කරන ලද අධ්‍යාපන ප්‍රතිසංස්කරණ සඳහා ජනතා විමුක්ති පෙරමුණ ඉතා ම ජනප්‍රියවාදී ලෙස විරුද්ධ වූවා සේ ම ඔවුන්ගේ ආණ්ඩුව ඉදිරිපත් කරන අධ්‍යාපන ප්‍රතිසංස්කරණ සඳහා ද තවත් පාර්ශ්වයක් ඉතා ජනප්‍රියවාදී ලෙස විරුද්ධ වන බවයි.
මතු දැක්වෙන්නේ අදාළ සාකච්ඡාව ඇතුළත් සම්පූර්ණ වීඩියෝව යි.
සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන - ජයසිරි අලවත්ත)
