ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ youtube නාලිකාව සමග පැවැත්වූ සාකච්ඡාවකට සහභාගි වෙමිනි.
ඔහු පවසන්නේ සංචාරකයින් කෙරෙහි; විශේෂයෙන් ම සමරිසි සංචාරක ප්‍රජාව සහ සංක්‍රාන්තික ලිංගික සංචාරක ප්‍රජාව පිළිබඳව අපි රටක් ලෙස දරන ආකල්ප සම්පූර්ණයෙන් වෙනස් විය යුතු බවයි; එය ආරම්භ කළ යුත්තේ සංචාරක හෝටල් අධ්‍යාපනය තුළින් ය යන්න ඔහු අවධාරණය කළේ ය.
එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ ඇමරිකාවේ නව බදු ප්‍රතිපත්තිය හේතුවෙන් බොහෝ විට අපිට අවම වශයෙන් ඩොලර් බිලියනයක් පමණ අඩු වීමේ අවදානමක් පවතින බවයි.
එලෙස අහිමි වන ඩොලර් ප්‍රමාණය සපයා ගැනීමට තිබෙන එකම මාර්ගය සංචාරක ව්‍යාපාරය යැයි හෙතෙම අවධාරණය කළේ ය.
මතු දැක්වෙන්නේ අදාළ සාකච්ඡාව ඇතුළත් සම්පූර්ණ වීඩියෝව යි.
සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන - ජයසිරි අලවත්ත)
