ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ youtube නාලිකාව සමග පැවැත්වූ සාකච්ඡාවකට සහභාගි වෙමිනි.
එබඳු ආයතන කෙරෙහි IMF ආයතනය මැදිහත් නොවන්නේ හෝ බලපෑම් නොකරන්නේ ඒවායේ ගමන් කරන්නේ දුප්පත් ජනතාව බව ඔවුන් අවබෝධ කරගෙන සිටින බැවින් යැයි එහි දී වැඩි දුරටත් අදහස් දැක්වූ දීප්ති කුමාර පැවසී ය.
එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ රාජ්‍ය ව්‍යාපාර ඇරඹුවේ වැඩි පිරිසකට යහපත උදා කර දීමේ අරමුණෙන් යුතුව බවයි.
එම අවස්ථාවේ දී උදාහරණයක් ගෙන හැර දැක්වූ විපුල පැවසුවේ නුවර සිට කොළඹ දක්වා දුම්රියෙන් ගමන් කිරීම සඳහා මගියකු වැය කළ යුත්තේ රුපියල් 230ක් පමණක් බවයි. ලංකාවේ එසේ වුව ද දියුණු රටක නම් රුපියල් 230ක් වැය කර දුම්රිය වේදිකාවකට ඇතුළු වීමට පවා නොහැකි බව ද හෙතෙම අවධාරණය කළේ ය.
මතු දැක්වෙන්නේ අදාළ සාකච්ඡාව ඇතුළත් සම්පූර්ණ වීඩියෝව යි.
සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන - ජයසිරි අලවත්ත)