නමේ උච්චාරණය දැනගත්තේ BBC එකේ තිබ්බ විදියට. ඒ වගේම ලංකාවේ ඇතැම් භික්ෂූ පාර්ශවයන් මේ සංචාරය ගැන යම් විරෝධයක් දක්වලා තියනවා කියලත් the leader වෙබ් එක වාර්තාකරලා තිබ්බ.
තික් මින් තිව් හාමුදුරුවෝ වියට්නාමේ පොඩි සෝෂල් මීඩියා සෙන්සේෂන් එකක් කියලත් chatgpt කරලා හොයාගත්ත. ඒකට අනුව මේ හාමුදුරුවෝ සාමාන්‍ය සිවුරක් අඳින්නේ නැහැ. පාත්තරේ වෙනුවට රයිස් කුකර් එකක් අරන් යනවා කියල මම කලිනුත් කිව්වා. පාවහන් පළඳින්නේ නැහැ කියලත් කියනවා. වියට්නාම් කොමියුනිස්ට් පක්ෂේ එයාගේ මේ පාගමනට එරෙහි වෙලා තියනවා කියලත් කියනවා. ඒ රටේ සංඝ සමාජය එයාට කැමතිත් නැහැලු.
මේ ස්වාමීන් වහන්සේගේ එක අරමුණක් තමයි ඉන්දියාවට යන එක. දැන් ලංකාවටත් ඇවිල්ල. කොයි පාරෙන් කොයි විදියට යනවද කියන එක තීරණය කරන්න එන එන විදියට කියලත් කියනවා. ස්ථිර ගමනක් නැතුව එහෙම එන එන විදියට යන එකේ පොඩි ගතියකුත් තියනවා.
දවසකට කිලෝමීටර් විස්සක් ඇවිදිනවලු. ඉතාම හොඳ ශරීර සෞඛ්‍යයෙන් ඉන්නවලු. මියන්මාරයේ සිවිල් යුද්ද අස්සේම ඒ භුමිය හරහාම කිලෝමීටර් දහස් ගණනක් තික් මින් තිව් හාමුදුරුවෝ ඇතුළු පිරිස ගමන්කරන්න හදල තියනවා. ඒක තරමක් සාමයේ ගමනක් කියලත් කියන්න පුළුවන්. ඒ විදියට ආසියාව පුරා ගමන්කරන එකට තරමක් රට රටවල දේශසීමා බාධාකරමින් තිබෙනවා කියන එකත් පැහැදිළියි.
ඉතිහාසය පූරා භික්ෂූන් මේ විදියට නොයෙක් දේශ දේශාන්තර ඔස්සේ ගමන්කරලා තියනවා. බෞද්ධ පණිවිඩය අරන් ගිහිල්ල තියනවා. සමහර පණිවිඩ එයාල පටන්ගත්ත මූලයෙන් ගොඩක් වෙනස් විදියට අලුත් තැන්වල පැලවෙලා දළුදාල තියනවා. සමහර ඒවා අවසන් උනේ පටන්ගත්ත විදියට නෙවෙයි.
ගමන කියන එකේ ආරම්භය අර්ථයන්ගෙන් පිරුනේ නැතත් ගමන ඇතුලේ අර්ථයන් හම්බවෙන්න පුළුවන්. ඒ අනුව මෙම පාගමන වැදගත්. දැන් මේ සිද්ද වෙන්නෙත් ඒක.
කොහොම උනත් යන යන හැම තැනම වගේ මේ 'අලුත් භික්ෂුව' සහ පිරිස උණුසුම්ව පිළිගන්න බවක් තමයි පේන්න තියෙන්නේ. ඒක ස්ථාපිත සාසනයට එකඟද නැද්ද කියන එකට වඩා වැදගත් කියල හිතෙනවා.
මට හිතෙන්නේ මිනිස්සු අලුත් දෙයක් හොයමින් ඉන්නවා. ඒක මේ හාමුදුරුවෝද නැද්ද මම දන්නේ නැහැ.
(ආචාර්ය මහේෂ් හපුගොඩ)
සමාජ හා දේශපාලන විශ්ලේෂක
hapugoda@gmail.com
(Mahesh Hapugoda ගේ ෆේස්බුක් පිටුවෙන්...)
සබැඳි ලිපිය :
ශ්‍රී ලංකාවේ සංචාරය කරන වියට්නාමයේ සුප්‍රසිද්ධ තික් මින් තියු හිමි ට මල්වතු පාර්ශවය ප්‍රමුඛ භික්ෂුන්ගෙන් විරෝධයක්