2023 ලංක ප්‍රිමීයර් ලීග් ක්‍රිකට් තරගාවලිය ජය ගැනීමට B-Love Candy කණ්ඩායම සමත් විය.
ඒ අද B-Love Candy හා Dambulla Aura කණ්ඩායම් අතර කොළඹ ආර්.ප්‍රේමදාස ක්‍රීඩාංගණයේ දී පැවැති අවසන් මහා තරඟය කඩුළු 5කින් ජයගනිමිනි.
කාසියේ වාසිය ජයගෙන මුලින්ම පන්දුවට පහරදුන් Dambulla Aura කණ්ඩායම නියමිත පන්දුවාර 20 තුළ කඩුළු 4ක් දැවී ලකුණු 147ක් රැස්කර ගැනීමට සමත් විය.
Dambulla Aura කණ්ඩායම වෙනුවෙන් පන්දු 29ක දී හයේ පහර 3ක් ද සමග ලකුණු 40ක් නොදැවී ලබාගැනීමට ධනංජය ද සිල්වා සමත් විය.සධීර සමරවික්‍රම ලකුණු 36ක් ද කුසල් පෙරේරා නොදැවී ලකුණු 31 ක් ද ලබා ගැනීමට සමත් විය.
B-Love Candy කණ්ඩායම වෙනුවෙන් චතුරංග ද සිල්වා කඩුළු 2ක් දවා ගැනීමට සමත් විය.
පිළිතුරු ඉණිම අරම්භ කළ B-Love Candy පිල පන්දුවාර 19යි පන්දු 5කදී කඩුළු 5ක් පමණක් දැවී ලකුණු 151ක් ලබා ගෙන තරගය ජය ගැනීමට සමත් විය.
B-Love Candy වෙනුවෙන් කමිදු මෙන්ඩිස් පන්දු 37කදී එක් හයේ පහරක් සහ හතරේ පහර 3ක් ද සමග ලකුණු 44ක් ලබා ගත් අතර මොහොමඩ් හාරිස් ලකුණු 26ක් ද දිනේශ් චන්දිමාල් ලකුණු 24ක් රැස්කර ගත්තේය.
පන්දු යැවීමේදී Dambulla Aura කණ්ඩායම වෙනුවෙන් නූර් අහමඩ් කඩුළු 3ක් බිදදැමීමට සමත් විය.
ලංක ප්‍රිමීයර් ලීග් ක්‍රිකට් තරග ඉතිහාසයේ පළමු වතාවට ශූරතාව දිනාගැනීමට B-Love Candy පිල සමත් වූ අතර තරගයේ වීරයා සම්මානය ඇන්ජලෝ මැතිව්ස්ට හිමි වූ අතර තරගාවලියේ වීරයා වනිඳු හසරංගට හිමි විය.
