ආසියානු කුසලාන ශ්‍රී ලංකා සංචිතයට යළි එක්ව සිටින වෙල්ලාලගේ අද රාත්‍රියේ බංග්ලාදේශය ට එරෙහිව පැවැත්වෙන ශ්‍රී ලංකාවේ පළමු ‘සුපිරි හතර’ වටයේ තරගය සඳහා වන තේරීම්වලට නිදහස්ව සිටින බව ශ්‍රී ලංකා ක්‍රිකට් ආයතනය ප්‍රකාශ කරනවා.
දුනිත්ගේ පියා සුරංග වෙල්ලාලගේ සැප්තැම්බර් 18 වැනි බ්‍රහස්පතින්දා මිය ගියේ ඇෆ්ගනිස්තානය ට එරෙහිව දුනිත් ක්‍රීඩා කළ තරගය පැවැත්වෙමින් තිබියදී. පියා මිය යාමේ ශෝකජනක පුවත ශ්‍රී ලංකා ක්‍රිකට් කණ්ඩායමේ කළමනාකාරිත්වය 22 හැවිරිදි දුනිත් ට දන්වා සිටියේ තරගය අවසන් වීමෙන් පසුව පමණයි. ඉක්බිති වහාම ඔහු නිවෙස බලා පිටත්ව ගියා.
දුනිත් නැවත ශ්‍රී ලංකාවේ සිට එක්සත් අරාබි එමීර් රාජ්‍යයටත් යළි මව්බිමටත් ගමන් කරනු ඇත්තේ බ්‍රහස්පතින්දා රාත්‍රියේ ඔහු සමග දිවයිනට පැමිණි කණ්ඩායමේ කළමනාකරු මහින්ද හලංගොඩ සමග.
ශ්‍රී ලංකාව කඩුලු හයකින් ජය ගත් එම තරගයේදී තුන් ඉරියව් ක්‍රීඩක දුනිත් වෙල්ලාලගේ පිතිකරණයේ යෙදුනේ නැහැ. පන්දු යැවීමේදී ඔහු ලකුණු 49ක් ලබා දෙමින් එක් කඩුල්ලක් බිඳ දැමුවා.
(සටහන | වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
