ක්‍රීඩක දුනිත් වෙල්ලාලගේ ට අවස්ථාවක් නොලැබුනේ ඔහුගේ පියාගේ මරණයේ පුවත නිසා. දුනිත්ගේ පියා මිය ගොස් තිබුනේ තරගය අවසන් වීමට බොහෝ වේලාවකට පෙර වූව ද, එම ඛේදජනක ප්‍රවෘත්තිය දුනිත් ට පැවසීම සඳහා තරගය අවසන් වනතුරු බලා සිටීම වඩා හොඳ බවට කණ්ඩායමේ කළමනාකාරිත්වය තීරණය කර තිබුණා. පියාගේ වියෝව දැනගත් විගස දුනිත් අබුඩාබි සිට යළි මව්බිමට ඒමට තීරණය කළා.
ක්‍රීඩා රාජකාරියේ යෙදී සිටියදී ක්‍රිකට් ක්‍රීඩකයන්ට මෙවැනි පෞද්ගලික ඛේදවාචකයන්ට මුහුණ දීමට සිදුවූ ප්‍රථම අවස්ථාව මෙය නෙවෙයි. විරාට් කෝලි, සචින් ටෙන්ඩුල්කාර්, රෂිඩ් ඛාන් යන ඉන්දියා ක්‍රීඩකයන් හා ඇෆ්ගනිස්තානයේ රෂිඩ් ඛාන් මෙවැනි දුක්මුසු අවස්ථාවන්ට මුහුණ දුන් ජාත්‍යන්තර ක්‍රිකට් ක්‍රීඩකයන්ගෙන් කිහිප දෙනෙක්.
විරාට් කෝලි:
2006 වසරේදී 18 හැවිරිදි විරාට් කෝලි රන්ජි කුසලාන තරගාවලියේ දිල්ලි කණ්ඩායම වෙනුවෙන් ක්‍රීඩා කරමින් සිටියදීයි ඔහුගේ පියා වූ ප්‍රේම් කෝලිගේ මරණය පිළිබඳව දැනගත්තේ. ඒ වන විට ඔහු නොදැවී ලකුණු 40ක් රැස්කර ගෙන පසුදින නැවත පන්දුවට පහර දීමට නියමිතව සිටියා. කෙසේ වෙතත්, ඉන්පසුව විරාට් කළ දෙයයි ඔහුගේ ලෙගසියට අඩිතාලම දැමුවේ. ඉතාමත් ශෝකජනක ප්‍රවෘත්තිය මධ්‍යයේත් පසුදින උදේ කඩුල්ලට පිවිසි ඔහු තමන්ගේ කණ්ඩායම පිට පිට දෙවැනි වරටත් පන්දුවට පහර දීමෙන් බේරාගැනීම පිණිස තීරණාත්මක ලකූණු 90ක් වාර්තා කළා.
සචින් ටෙන්ඩුල්කාර්:
සචින් ටෙන්ඩුල්කාර්:
ලොව බිහිවූ විශිෂ්ටතම පිතිකරුවන්ගෙන් කෙනෙකු ලෙස සැලකෙන සචින් ටෙන්ඩුල්කාර් ට ද 1999 ලෝක කුසලාන තරගාවලිය පැවැත්වෙන අතරතුර පෞද්ගලික ඛේදවාචකයකට මුහුණ දීමට සිදුවුනා. ඔහුගේ පියා රමේෂ් ටෙන්ඩුල්කාර් මිය ගියේ එම අවමංගල්‍යයට සහභාගි වීම පිණිස සිම්බාබ්වේ ට එරෙහි තරගයක් අතහැර එංගලන්තයේ සිට නැවත ඉන්දියාව ට අප්‍රමාදව පැමිණීමට සචින් ට සිදුකරමින්. ජාතික වගකීම ද අවදානමට ලක්ව තිබෙන බව වටහා ගත් සචින් වැඩි කලක් නිවසේ රැඳී නොසිට ඊළඟ තරගයේදී කෙන්යාව ට එරෙහිව තරග කිරීම පිණිස යළි පැමිණ නොදැවී ලකුණු 140ක් රැස්කළේ එම ශතක ඉනිම ඔහුගේ පියා වෙනුවෙන් කැප කරමින්.
මොහමඩ් සිරාජ්:
සිය පියා මිය ගිය පුවත මොහමඩ් සිරාජ් දැනගත්තේ ඔහු ඉන්දියා කණ්ඩායම සමග 2020 වසරේ ඔස්ට්‍රේලියානු තරග සංචාරයට එක්ව සිටියදී. ඒ වන විට ක්‍රියාත්මකව තිබූ කොවිඩ් වසංගත රීති සහ ගුවන් ගමන් සංචාර බාධක හේතුවෙන් සිරාජ් ගත යුතුව තිබුනේ ඉතාමත් අසීරු තීරණයක්. ඒ, ඉන්දියා කණ්ඩායම සමග ඔස්ට්‍රේලියාවේ තවදුරටත් රැඳී සිටීම. මේ වේග පන්දු යවන්නා ඔහුගේ මංගල ටෙස්ට් තරගය ක්‍රීඩා කළේ ද මේ තරගමාලාවේ. එහිදී ඔහු ඉන්දියා ක්‍රිකට් කණ්ඩායමේ ෙඑතිහාසික තරගමාලා ජයග්‍රහණය වෙනුවෙන් තීරණාත්මක කාර්යයක් ඉටු කළා.
රෂිඩ් ඛාන්:
රෂිඩ් ඛාන්:
ඇෆ්ගනිස්තාන කණ්ඩායමේ දඟ පන්දු ක්‍රීඩක රෂිඩ් ඛාන් ඔහුගේ පියා මිය ගිය බව දැනගත්තේ 2018 වසරේ ඇඩිලේඩ් ස්ට්‍රයිකර්ස් කණ්ඩායම වෙනුවෙන් ‘බිග් බෑෂ්’ ලීගයේ ක්‍රීඩා කරමින් සිටියදී. කණ්ඩායම සමග රැඳී සිටීම තෝරාගත් ඔහු ඊළඟ දිනයේත් ක්‍රීඩා කළේ පෞද්ගලික ඛේදවාචකයන්ට වඩා ක්‍රිකට් වගකීම්වලට ප්‍රමූඛතාව දෙමින්. තරුණ වයසේ සිටින කෙනෙකු ලෙසින් එදා ඔහු ප්‍රදර්ශනය කළේ අප්‍රමාණ ධෛර්යයක්.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
(සටහන : වර්නන් ගුණසේකර)ජ්‍යෙෂ්ඨ මාධ්‍යවේදී
gunasekera33@gmail.com
