2025 ආසියානු කුසලාන ක්‍රිකට් තරගාවලියේ Super Four තරග වටයේ තවත් තරගයක් ශ්‍රී ලංකාව සහ පකිස්ථානය අතර අබුඩාහිදී පැවැත්විණි.
තරගයට පෙර කණ්ඩායම් දෙක ම එම වටයේ සිය පළමු තරගවලින් පරාජයට පත්ව සිටීම හේතුවෙන් කණ්ඩායම් දෙකට ම මෙම තරගය තීරණාත්මක විය.
කෙසේ වෙතත්, පළමුවෙන් පන්දුවට පහර දුන් ශ්‍රී ලංකා කණ්ඩායම කඩුලු 8ක් දැවී රැස් කළේ, ලකුණු 133ක් පමණි.
ඊයේ දිනයේදී සාර්ථක වූ එක ම ශ්‍රී ලාංකික පිතිකරුවා වූ කමිඳු මෙන්ඩිස් ලකුණු 50ක් රැස් කළේ ය.
විශිෂ්ට පන්දු යැවීමක නිරත වූ පකිස්ථාන දඟ පන්දු යවන ක්‍රීඩක කඩුල්ලක් දවා ගනිමින් සිය පන්දු වාර 4 තුළදී ශ්‍රී ලංකා පිතිකරුවන්ට ලබා දුන්නේ, ලකුණු 8ක් පමණි.
පිළිතුරු ඉනිම ක්‍රීඩා කළ පකිස්ථාන කණ්ඩායම කඩුලු 5ක් දැවී ලකුණු 138ක් රැස් කරමින් පන්දු වාර 18කදී තරගයේ ජයග්‍රහණය හිමි කර ගත්තේ ය.
පකිස්ථානය ලකුණු සටහනේ ඉහළට
තරගය ජය ගැනීමත් සමග පකිස්ථාන කණ්ඩායම Super Four ලකුණු සටහනේ දෙවන ස්ථානයට පැමිණියේ ය.
දෙවන ස්ථානයේ පසුවූ බංග්ලාදේශයට තුන් වන ස්ථානයට පසු බැසීමට සිදු විය.
Super Four වටයේ මෙතෙක් මුහුණ දුන් තරග දෙකෙන් ම පරාජයට පත්වූ ශ්‍රී ලංකාව සිව් වන ස්ථානයේ පසු වෙයි.
ඒ අනුව, අවසන් තරගය සඳහා සුදුසුකම් ලැබීමට ශ්‍රී ලංකා කණ්ඩායමට ඇති අවස්ථා අවම මට්ටමක පවතී.
හසරංගගේ සහ අබ්‍රාර්ගේ සැමරුම් හුවමාරුව
මේ අතර, මෙම තරගයේදී සිදුවූ සුවිශේෂී සිදුවීමක් වූයේ, වනිඳු හසරංග සහ පකිස්ථානයේ අබ්‍රාර් අහමඩ් අතර ඇති වූ සැමරුම් ගැටුම යි.
ශ්‍රී ලංකාව පන්දුවට පහර දෙමින් සිටියදී අබ්‍රාර් අහමඩ් වනිඳු හසරංගගේ කඩුල්ල බිඳ හෙළූ අතර, කඩුල්ල දවා ගැනීමෙන් පසු අබ්‍රාර්, වනිඳු හසරංගට සමච්චලයට මෙන් හසරංග කඩුල්ලක් දවාගත් විට දක්වන සැමරුම් අංග චලනය දැක්වීය.
ඔවුන් දෙදෙනාගේ මෙම හැසිරීම සම්බන්ධයෙන් තරගය නරඹමින් සිටි විශාල පිරිසකගේ සහ තරග විස්තර විචාරකයින්ගේ ද අවධානය යොමු විය.
ඒ, වනිඳු හසරංග සහ අබ්‍රාර් අහමඩ් එකිනෙකා වැළඳගෙන මිත්‍රත්වය ප්‍රකාශ කිරීම ය.
(බීබීසී සිංහල)
