අවසන් මහා තරගයට වර්ෂාවෙන් බාධා එල්ල වී ඇත.
මුම්බායිහි ඩී.වයි. පටිල් ක්‍රීඩාංගණයේ පැවැත්වෙන මෙම තරගයේ කාසියේ වාසිය උරගා බැලීම ප.ව. 2.30ට සිදුකිරීමට නියමිතව තිබුණත් එය පමාවී තිබේ.
වසර 52ක ඉතිහාසයක් ඇති එක්දින කාන්තා ලෝක කුසලානයේ එංගලන්තය හෝ ඔස්ට්‍රේලියාව නොමැතිව අවසන් මහා තරඟයක් මෙවර පැවැත්වෙන්නේ පළමුවරටය.
ඉන්දියාව මීට පෙර 2005 හා 2017 වර්ෂවල අවසන් මහා තරඟයකට සුදුසුකම් ලබා ඇති නමුත්, දකුණු අප්‍රිකාව මෙවර එම අවස්ථාව හිමිකරගත්තේ ඉතිහාසයේ පළමුවරටය.
මේ අතර, කාන්තා ක්‍රිකට් ලෝක කුසලාන අවසන් මහා තරඟයේ තීරක වගකීම ශ්‍රී ලංකාවේ මිචෙල් පෙරෙයිරාට හිමිව තිබීම විශේෂත්වයකි.
ඒ අනුව ඇය ලෝක කුසලාන ක්‍රිකට් තරඟාවලියක අවසාන මහා තරඟයක තරඟ තීරක ලෙස ක්‍රියා කරන පළමු අවස්ථාව මෙය වේ.
පසුගිය වසරේ විස්සයි විස්ස කාන්තා ලෝක කුසලාන ක්‍රිකට් තරඟාවලියේ පළමු අවසන් පූර්ව තරඟයේ තරඟ තීරක වගකීම ඇය විසින් දැරූ අතර අවසන් මහා තරඟයේදී එම අවස්ථාව ඇයට හිමි නොවිය.
