සංචාරක ශ්‍රී ලංකා කණ්ඩායමේ ක්‍රීඩකයන් කිහිප දෙනෙකු ඔවුන්ගේ ආරක්ෂාව පිළිබඳව බියට පත්ව නැවත සියරට බලා යාමට උවමනාවෙන් සිටියදී ෆීල්ඩ් මාෂල් අසිම් මුනිර් (Asim Munir) ශ්‍රී ලංකාවේ ඉහළ නිලධාරීන් සමග සාකච්ඡා පවත්වමින් ඔවුන්ව කණ්ඩායම පාකිස්තානයේ රඳවා ගැනීම සඳහා පොලඹවා ගත් බව නක්වි රටේ සෙනෙට් මණ්ඩලයට කියා තිබෙනවා.
ෆීල්ඩ් මාෂල් අසිම් මුනිර්
“අපේ ෆීල්ඩ් මාෂල් කෙළින්ම ඔවුන්ගේ ආරක්ෂක ඇමති හා ලේකම්ට කතා කර කණ්ඩායමට සම්පූර්ණ ආරක්ෂාව ලබා දෙන බවට තහවුරු කර සිටියා” යනුවෙන් පාකිස්තාන අභ්‍යන්තර කටයුතු ඇමතිවරයා ද වන නක්වි සෙනෙට් සභාවේ කතා කරන අතරතුර ප්‍රකාශ කර තිබෙනවා.
“ඔවුන් සමග අපේ අන්‍යෝන්‍ය ක්‍රියාව ආරම්භ වූ විට ඔවුන්ගේ (ශ්‍රී ලංකාවේ) ක්‍රිකට් මණ්ඩලය, ක්‍රීඩකයන් ඇතුළු සියලු දෙනා විශිෂ්ට නිර්භීතකමින් යුතුව මෙහි රැඳී ඉන්න තීරණය කළා” යනුවෙන් PCB සභාපතිවරයා සඳහන් කළා. “සැලකිල්ලක් දැක්වූ කාරණා කිහිපයක්ම ඔවුන්ට තිබුණා. නමුත් ඒ සියල්ල සමහන් කිරීමට අපි උත්සාහ කළා.”
ශ්‍රී ලංකාවේ ජනාධිපති අනුර කුමාර දිසානායක මහතා ඔහුගේ රටේ කණ්ඩායමට කතා කර ඔවුන්ට දිගටම පාකිස්තානයේ රැඳී සිටීමට හැකි ආරක්ෂාවක් තිබෙන බවට ඒත්තු ගැන්වූ බව ද නක්වි මෙහිදී පෙන්වා දුන්නා.
මොසින් නක්වි“ඉතිං දැන්, පාකිස්තාන යුද හමුදාව, සන්නද්ධ භට කණ්ඩායම් සහ ඉස්ලාමාබාද් පොලිසිය ශ්‍රී ලංකා කණ්ඩායමේ ආරක්ෂාව කළමනාකරණය කරනවා. අපි ඔවුන්ට ලබා දී තිබෙන්නේ අපේ රාජ්‍ය අමුත්තන්ට පිළිගන්වන ආරක්ෂාවට සමාන ආරක්ෂාවක්” නක්වි තවදුරටත් කියා සිටියා.
සිම්බාබ්වේ කණ්ඩායම ද දැන් පාකිස්තානය ට පැමිණ සිටින බවත් ඉතිරි තරග සහ තුන්කොන් තරගාවලියේ සියලු තරග දැන් ආරක්ෂක හේතුන් මත ලාහෝරයේ ගඩාෆි ක්‍රීඩාංගණයේ සිට රාවල්පින්ඩි ක්‍රීඩාංගණයට මාරු කර ඇති බවත් නක්වි පැවසුවා.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
