මීට හේතු වී තිබෙන්නේ ඔක්තෝබර් මාසයේ ආසනල් කණ්ඩායමට එරෙහිව පැවති 4-0ක පරාජිත චැම්පියන්ස් ලීග් තරගයේදී එම ක්‍රීඩා ලෝලීන් වර්ගවාදී ලෙස හැසිරීමයි.
ලන්ඩනයේ එමිරේට්ස් ක්‍රීඩාංණයේ පැවති තරගයේදී ස්පාඤ්ඤ පාපන්දු සමාජයේ ආධාරකරුවන් වඳුරන් මෙන් අංග චලනය කරමින් ශබ්ද නැගීම සහ හිට්ලර්ගේ නාසි සැලියුට් කිරීමේ චෝදනාව මත මේ දඩුවම් පමුණුවා ඇතැයි UEFA ප්‍රකාශ කරනවා.
ඇට්ලටිකෝ ක්‍රීඩා ලෝලීන් තරගය අතරතුර නොයෙකුත් ද්‍රව්‍යය පිටියට විසිකරන අයුරු ද දැක තිබෙනවා.
මේ ක්‍රියාවට යුරෝ 10,000ක වෙනම දඩයක් නියම කර තිබෙන අතර එම දඬුවම සහ යුරෝ 30,000 දඩය වහාම ක්‍රියාත්මක වන පරිදියි පනවා තිබෙන්නේ.
මීට අමතරව, නොවැම්බර් 5 වැනිදා චෙල්සී කණ්ඩායමට එරෙහිව පැවති UEFA යූත් ලීග් තරගයේදී ජාතිවාදී ලෙස හැසිරීම හේතුවෙන් Qarabag FK Youth නමැති අසර්බයිජාන් කණ්ඩායමට ද යුරෝ 5,000ක දඩයක් නියම කර ඇති UEFA එම කණ්ඩායමේ එක් සත්කාරක තරගයක් නරඹන්නන් නැති දොරවල් වැසුණු ක්‍රීඩාංගණයක පවත්වන ලෙසට ද නියෝග කර තිබෙනවා.
නරඹන්නන් රහිතව තරගය ක්‍රීඩා කිරීමේ දඬුවම වසරක පරිවාස කාලයක් සඳහා අත්හිටුවා තිබෙනවා.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
