මේ අනුව, ගංවතුරෙන් උන්හිටි තැන් අහිමි වූ ජනතාවට නවාතැන් සපයා දීම සඳහා කොළඹ ආර්.ප්‍රේමදාස ජාත්‍යන්තර ක්‍රිකට් ක්‍රීඩාංගණය පසුගිය සිකුරාදා විවෘත කෙරුනා.
සහන සේවා මධ්‍යස්ථානයේ වැඩකටයුතු ක්‍රමවත්ව පවත්වා ගෙන යාම තහවුරු කිරීම පිණිස රජයේ නිලධාරීන් සමග සමීපව කටයුතු කරන ලෙසට ශ්‍රී ලංකා ක්‍රිකට් ආයතනය ක්‍රීඩාංගණයේ පරිපාලන සේවක මණ්ඩලයට උපදෙස් දී තිබෙනවා. මේ සහන සේවා උත්සාහයන්ට සහාය දක්වමින් දිනපතා ආහාර පැකට් සැපයීම ද ශ්‍රී ලංකා ක්‍රිකට් ආයතනය දැන් ආරම්භ කර තිබෙනවා. සෙනසුරාදා ඇරඹුනු මේ වැඩපිළිවෙල යටතේ ආහාර පැකට් සෑම දිනකම රජයේ නිල සහන බෙදා හැරීමේ මධ්‍යස්ථාන වෙත භාර දීම සිදු කෙරෙනවා.
මීට අමතරව, ශ්‍රී ලංකා ක්‍රිකට් ආයතනයේ සභාපති ෂම්මි සිල්වා සහ භාණ්ඩාගාරික සුජීව ගොඩලියද්ද ක්‍රීඩා ඇමති සුනිල් කුමාර ගමගේ සහ සහන මෙහෙයුම්වලට සම්බන්ධ අනෙකුත් රජයේ නිලධාරීන් හමුවී දැන් ක්‍රියාත්මක වෙමින් තිබෙන සහන වැඩපිළිවෙලට ශ්‍රී ලංකා ක්‍රිකට් ආයතනයේ සම්පූර්ණ සහයෝගය පළ කර තිබෙනවා.
පාකිස්තානයේ රාවල්පින්ඩි නුවර සෙනසුරාදා පැවති ජාත්‍යන්තර විස්සයි20 තුන්කොන් තරගාවලියේ අවසාන තරගයට පෙර ශ්‍රී ලංකා කණ්ඩායම, දිවයිනේ තිබූ ව්‍යසනමය දේශගුණයෙන් ජීවිත අහිමි වූවන්ට ගෞරව පිණිස මිනිත්තුවක නිහඬතාවත් පැවැත්වූ අතර පාකිස්තාන ක්‍රීඩකයන් ද ඊට සහභාගි වුනා.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
