වෙළඳ සේවා ක්‍රිකට් සංගමයේ ‘ඩී’ කොටසේ ඕවර 40 ලීග් තරගාවලිය 2025 අවසන් පූර්ව වටයට HNB Finance, Power Hand Plantations, Central Finance සහ Teejay Lanka යන කණ්ඩායම් සුදුසුකම් ලබා සිටිනවා.
‘සී.බී.එල්. - මන්චී’ කුසලානය (‘CBL -Munchee’ Trophy) වෙනුවෙන් පැවැත්වෙන මේ තරගාවලිය සඳහා නොකඩවා පස්වැනි වසරටත් අනුග්‍රහය දක්වන්නේ සීමාසහිත සිලෝන් බිස්කට්ස් (CBL Group) ආයතනය යි.
කණ්ඩායම් 15ක සහභාගිත්වයෙන් දෙසැම්බර් 4 වැනිදා ආරම්භ වූ මෙම තරගාවලියේ අවසන් පූර්ව තරග ජනවාරි 19 වැනිදාත්, අවසාන තරගය ජනවාරි 25 වැනිදාත් වෙළඳ සේවා ක්‍රිකට් සංගම් ක්‍රීඩාංගණයේදී පැවැත්වීමට නියමිතයි.
කොටස් 3කට බෙදී තරග වැදුනු කණ්ඩායම් මෙසේය.
‘ඒ’ කොටස - Hemas Group, The Recovery Room, Peoples Leasing PLC, Colombo Dockyard, Yokohama TWS
‘බී’ කොටස - Airport & Aviation, Abans Group, Nations Trust Bank, HNB Finance, Power Hand Plantations
‘සී’ කොටස - Central Finance, Millenium IT, Teejay Lanka, Delmege Group, Seylan Bank
තරග 30කින් සමන්විත ලීග් සහ තරග 7කින් යුත් පිළිමළුන් පිටු දැකීම යන අදියර දෙකකින් මේ තරගාවලිය පැවැත්වුනා.
හොඳම පිතිකරු, හොඳම පන්දු යවන්නා, අවසාන තරගයේ වීරයා සහ තරගමාලාවේ වීරයා ට විශේෂ ත්‍යාග පිරිනැමීමට අනුග්‍රාහකයන් තීරණය කර තිබෙනවා.
මීට පෙර පැවති තරගාවලියේ ‘සී.බී.එල්.මන්චී’ කුසලානය හිමිකර ගත්තේ සීමාසහිත Melwire Rolling (Pvt) කණ්ඩායම යි.
CBL – Munchee 2025 කුසලාන තරගාවලියේ අනුග්‍රාහකත්වය නිල වශයෙන් පිරිනැමීම වෙළඳ සේවා ක්‍රිකට් සංගමයේදී ඊයේ සිදු කෙරුනු අතර එහිදී විජිත් නිශාන්ත (වෙළඳ කළමනාකරු) සිලෝන් බිස්කට්ස් ආයතනය නියෝජනය කළ අතර වෙළඳ සේවා ක්‍රිකට් සංගමය නියෝජනය කරනු ලැබුවේ එහි සභාපති මහේෂ් ද අල්විස් හා උපසභාපති සිරෝෂ ගුණතිලක විසින්.
(සටහන | වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
(සටහන | වර්නන් ගුණසේකර)ජ්‍යෙෂ්ඨ මාධ්‍යවේදී
gunasekera33@gmail.com