ශ්‍රී ලාංකිකයන් මිලියන ගණනක් මහත් ආදරයෙන් වැළඳගෙන සිටින ක්‍රීඩාවක් නියෝජනය කරන සංකේතාත්මක ජාතික ක්‍රීඩා පාලක මණ්ඩලයක් ලෙසින් තිබෙන බලවත් හැඟීමයි ශ්‍රී ලංකා ක්‍රිකට් ආයතනය ගත් මේ තීරණයෙන් පිළිබිඹු කරන්නේ.
ඩිට්වා සුළිසුළඟින් පීඩාවට පත් පවුල්වලට හදිසි සහන සැලසීම හා විපතට ලක්වූ ප්‍රජාවන්ගේ එදිනෙදා ජීවිත නැවත ගොඩනැගීමට අවශ්‍ය වන අත්‍යවශ්‍ය මහජන සේවාවන් ප්‍රකෘති තත්ත්වයට පත් කිරීමේදී මේ පරිත්‍යාගය රජයට සහායක් වනු ඇතැයි ශ්‍රී ලංකා ක්‍රිකට් ආයතනය විශ්වාස කරනවා.
මීට අමතරව, ශ්‍රී ලංකා ක්‍රිකට් ආයතනය නොකඩවා රට වෙනුවෙන් නැගී සිටිමින් රටේ දියුණුව සඳහා තම දායකත්වයේ කොටසක් වශයෙන් අවශ්‍ය ඔ්නෑම අවස්ථාවකදී සහයෝගය ලබා දෙන බව ශ්‍රී ලංකා ක්‍රිකට් ආයතනය, එහි සභාපති ෂම්මි සිල්වා හා විධායක කමිටුව නැවත නැවත කියා සිටිනවා.
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
