තරග 31කින් සමන්විත තරගාවලිය අදියර දෙකකින් පැවැත්වෙන්නේ ක්‍රීඩාංගණ තුනක. කණ්ඩායම් 16ක් කොටස් හතරකට බෙදී ලීග් තරග 24ක් ක්‍රීඩා කිරීමෙන් පසුව ඒ ඒ කොටස්වල ඉහළටම පිවිසෙන කණ්ඩායම් දෙක තරග 7කින් සමන්විත පිළිමළුන් පිටුදැකීමේ වටයට සුදුසුකම් ලබනවා.
ලීග් තරග අප්‍රේල් 27 හා 28 දිනවල වෙළඳ සේවා ක්‍රිකට් සංගම් ක්‍රීඩාංගණය සහ පන්නිපිටිය ධර්මපාල විදුහල හා කඳාන ඩි මැසිනඩ් විදුහල් ක්‍රීඩාංගණවල පැවැත්වෙන අතර මැයි 4 වැනිදා අර්ධ අවසන් පූර්ව තරග පැවැත්වෙන්නේ ඩි මැසිනඩ් විදුහල් පිටියේදී. අවසන් පූර්ව තරග හා අවසාන මහා තරගය මැයි 5 වැනිදා වෙළඳ සේවා ක්‍රිකට් සංගම් ක්‍රීඩාංගණයේදී පැවැත්වීමටයි නියමිත.
Assetline Insurance brokers (Private) Limited ආයතනය මේ වෙළඳ සේවා ක්‍රිකට් මංගල T10 තරගාවලියට අනුග්‍රහය දැක්වීම සඳහා ඉදිරිපත්ව සිටිනවා. තරගාවලියට සහභාගි වන කණ්ඩායම්: Recovery Room, Powerhand Plantations, Peoples Leasing Co., Ansell Textiles, George Steuarts Health, Emar Pharma, Certis Lanka, Softlogic Life, Citizens Development Business Finance (CDB), David Pieris Group of Companies, Dialog Axiata PLC, Hilton Colombo Residencies, Seylan Bank, Astron Lanka, LOLC, Maliban Biscuits.
තරගාවලිය සඳහා අනුග්‍රාහකත්වය පිරිනැමීම හා මාධ්‍ය සාකච්ඡාව ඊයේ වෙළඳ සේවා ක්‍රිකට් සංගමයේදී පැවති අතර ඩේවිඩ් පීරිස් මෝටර් සමාගමේ අධ්‍යක්ෂ සහ ඇසට්ලයින් රක්ෂණ බ්‍රෝකර්වරුන්ගේ සමාගමේ සභාපතිනි රොමානි පරාක්‍රම මෙනවිය සහ එම රක්ෂණ සමාගමේ අධ්‍යක්ෂ හා ඩේවිඩ් පීරිස් ලෙෂර් සමාගමේ සභාපති ධනික ද සිල්වා, කළමනාකාර අධ්‍යක්ෂ හා ප්‍රධාන විධායක නිලධාරී නිහාල් හඳුන්ගේ, ඩේවිඩ් පීරිස් ලෙෂර් සමාගමේ අධ්‍යක්ෂ/ප්‍රධාන විධායක නිලධාරී ග්‍රිබ්සන් හපුකොටුව, වෙළඳ සේවා ක්‍රිකට් සංගමයේ සභාපති මහේෂ් ද අල්විස් සහ ලේකම් රොහාන් සෝමවංස යන මහත්වරු ඊට සහභාගි වුනා.
සටහන :
(වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
