පත්ව සිටිනවා.
ඔහු මෙසේ ඔහුගේ නම ලෝක ක්‍රිකට් ඉතිහාස පොතට ඇතුළත් කර ගත්තේ සැප්තැම්බර් 19 වැනිදා ඕමානය ට එරෙහිව පැවති ආසියානු කුසලාන තරගයේ.
26 හැවිරිදි වමත් වේග පන්දු යවන්නකු වන සිං මකා දැමුවේ බහරේනයේ රිස්වාන් බට් තබා තිබූ වාර්තාව. බට් ඔහුගේ 100 වැනි ජාත්‍යන්තර විස්සයි20
කඩුල්ල ලබා ගත්තේ ඔහු ක්‍රීඩා කළ 66 වැනි තරගයේ. ආශ්ඩීප් ට මේ ඉලක්කයට පිවිසීමට ගතව තිබෙන්නේ තරග 64ක් පමණයි.
සිං ඉන්දියාව වෙනුවෙන් ඔහුගේ කඩුලු ගිණුම විවෘත කළේ ඕමානය ට එරෙහිව පැවති තරගයේ 20 වැනි ඔ්වරයේ පළමු පන්දුවෙන්. විනයාක් ෂුක්ලා දුන් උඩ පන්දුව රැක ගනිමින් ආශ්ඩීප් සිං ට පැරණි වාර්තාව බිඳ දැමීමට උපකාර කළේ රින්කු සිං.
මේ කඩුල්ල ආශ්ඩීප් ලබා ගත්තේ ලකුණු 37ක් ලබා දෙමින්. එම කඩුල්ලත් සමග ආශ්ඩීප් සිං ජාත්‍යන්තර විස්සයි20 කඩුලු සියයක් ලබා ගත් පළමු ඉන්දියානු පන්දු යවන්නා බවට ද පත්වුනා.
ජාත්‍යන්තර T20 කඩුලු 100ක් ඉක්මනින්ම ලබා ගත් වේග පන්දු යවන්නෝ
* ආශ්ඩීප් සිං (ඉන්දියාව) - තරග 64
* රිස්වාන් බට් (බහරේන්) – 66
* හැරිස් රවුෆ් (පාකිස්තානය) – 71
* මාක් අඩෙයා (අයර්ලන්තය) – 72
* බිලාල් ඛාන් (ඕමානය ) – 72
* ෂහීන් අෆ්රිඩි (පාකිස්තානය) – 74
* ජුනයිඩ් සිඩ්ඩික් (එක්සත් අරාබි එමීර් රාජ්‍යය) – 74
* ලසිත් මාලිංග (ශ්‍රී ලංකාව) – 76
* කරාන් ඛාත්රි චෙත්‍රි (නේපාලය) – 80
* මුස්ටෆිසුර් රහමාන් (බංග්ලාදේශය) – 81
(සටහන : වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
