The Leader News
BREAKING
ද්විත්ව පුරවැසියන්ට ජපානයෙන් දැඩි තීරණයක්: එක් රටක් තෝරාගන්න●‘උල්පතෙන් අලුත් ගඟක්’ සාහිත්‍ය සම්මානෝත්සවය 27වන දා●නීතියෙන් පමණක් රටක් හැදිය හැකිද? මිලින්දගෙන් ගැඹුරු විග්‍රහයක්●ගෙවුණු සතියේ (නොවැ. 16–20) අධිකරණ හමුවේ දිගහැරුණු ප්‍රධාන නඩු විභාග●පාර්ලිමේන්තු සමුගැනීමේ කතාව ප්‍රේමාරාධනාවකට පෙරළූ ඕස්ට්‍රේලියානු මන්ත්‍රීවරයා●සහතික නැතත් කුවේටයේ රැකියා 15ක්; රුපියල් ලක්ෂ 4 ඉක්මවන වැටුප් මෙන්න●'මම සිංහල බර්ගර් කියන්නේ හරි ආඩම්බරයෙන්' - සැන්ඩ්‍රා මැක්●දිලිත්ගේ ප්‍රධානත්වයෙන් GLEC ව්‍යවසායක සමුළුව ජපානයේදී අද ඇරඹේ●ශානක ඉරෝෂණ ගේ අවසන් කටයුතු අද (22)●පොලිස්පති කැඳවූ FBI කණ්ඩායම ගැන අමාත්‍යාංශය නොදැන සිටියාද?●
Top Ad
විදේශ

ද්විත්ව පුරවැසියන්ට ජපානයෙන් දැඩි තීරණයක්: එක් රටක් තෝරාගන්න

Awara

Awara

November 22, 2026 • 2:08 PM

ද්විත්ව පුරවැසියන්ට ජපානයෙන් දැඩි තීරණයක්: එක් රටක් තෝරාගන්න

ලිපියට සවන් දෙන්න

පැහැදිලි සිංහල හඬ කියවනය (Natural Audio)

  • රටවල් දෙකක පුරවැසිභාවය දරන පුද්ගලයින්ට තමන් තෝරාගන්නේ කුමන රටදැයි නිල වශයෙන් ප්‍රකාශ කරන ලෙස ජපාන රජය අවධාරණය කර තිබේ.
  • නියමිත කාලසීමාව තුළ එක් පුරවැසිභාවයක් තෝරා නොගතහොත්, ඔවුන්ගේ ජපන් පුරවැසිභාවය අහිමි වීමේ දැඩි අවදානමක් පවතින බව ජපාන අධිකරණ අමාත්‍යාංශය (Ministry of Justice) පෙන්වා දෙයි.
  • වයස් සීමාව වෙනස් වූ හැටි ජපානයේ පුරවැසිභාවය පිළිබඳ නීති ප්‍රධාන කොටස් දෙකකට බෙදා ඇත.
  • ඒ 1985 ජනවාරි 1 වනදාට පෙර සහ පසු වශයෙනි.
අකුරු ප්‍රමාණය (Font Size):

රටවල් දෙකක පුරවැසිභාවය දරන පුද්ගලයින්ට තමන් තෝරාගන්නේ කුමන රටදැයි නිල වශයෙන් ප්‍රකාශ කරන ලෙස ජපාන රජය අවධාරණය කර තිබේ.

නියමිත කාලසීමාව තුළ එක් පුරවැසිභාවයක් තෝරා නොගතහොත්, ඔවුන්ගේ ජපන් පුරවැසිභාවය අහිමි වීමේ දැඩි අවදානමක් පවතින බව ජපාන අධිකරණ අමාත්‍යාංශය (Ministry of Justice) පෙන්වා දෙයි.

වයස් සීමාව වෙනස් වූ හැටි

ජපානයේ පුරවැසිභාවය පිළිබඳ නීති ප්‍රධාන කොටස් දෙකකට බෙදා ඇත. ඒ 1985 ජනවාරි 1 වනදාට පෙර සහ පසු වශයෙනි.

2022 අප්‍රේල් 1 වනදා සිට ක්‍රියාත්මක වූ නව නීති සංශෝධනයත් සමඟ ජපානයේ වැඩිහිටි වයස් සීමාව අවුරුදු 20 සිට 18 දක්වා පහත දැමුණි.

ඒ අනුව, වයස අවුරුදු 18ට පෙර ද්විත්ව පුරවැසිභාවය ලැබූ අයෙකු තම 20 වන උපන්දිනයට පෙර එක් රටක් තෝරාගත යුතුය.

වයස 18ට වැඩි අයට බලපාන නීතිය

යම් පුද්ගලයෙකු වයස අවුරුදු 18 හෝ ඊට වැඩි වයසකදී උපතින් හෝ වෙනත් නීතිමය ක්‍රමයකින් දෙවන පුරවැසිභාවයකට හිමිකම් කියන්නේ නම්, ඒ සඳහා වෙනම කාලයක් හිමිවේ.

ඔවුන්ට එම පුරවැසිභාවය ලැබුණු දින සිට වසර දෙකක් ඇතුළත තමන් තෝරාගන්නා රට කුමක්දැයි නිල වශයෙන් දැනුම් දිය යුතුය.

නියමිත කාලය මගහරින පුද්ගලයින්ට ජපාන අධිකරණ අමාත්‍යවරයා විසින් ලිඛිත අනතුරු ඇඟවීමක් (Formal Notice) නිකුත් කරනු ලබයි.

එම නිවේදනයෙන් මාසයක් ඇතුළත තීරණයක් නොගන්නා පුද්ගලයින්ගේ ජපන් පුරවැසිභාවය සම්පූර්ණයෙන්ම අවලංගු කිරීමට නීතියෙන් ප්‍රතිපාදන සලසා ඇත.


(සැ.යු: වැඩිහිටියෙකු ලෙස තම කැමැත්තෙන්ම වෙනත් රටක පුරවැසිභාවය ලබා ගන්නා ජපන් ජාතිකයන්ගේ ජපන් පුරවැසිභාවය, කිසිදු දැනුම් දීමකින් තොරවම ඒ මොහොතේ සිට අහෝසි වේ).

1985ට පෙර ද්විත්ව පුරවැසිභාවය ලැබූ අයට වෙනස්ම නීතියක්

1985 ජනවාරි 1 වනදාට පෙර ද්විත්ව පුරවැසිභාවය ලැබූ අයට මෙම ක්‍රියාවලිය බලපාන්නේ වෙනස් ආකාරයකටය.

එම දිනය වන විට වයස අවුරුදු 20ට අඩු වූ අයට තම 22 වන උපන්දිනය දක්වාත්, 20ට වැඩි අයට 1986 දෙසැම්බර් 31 දක්වාත් තීරණයක් ගැනීමට කාලය ලබා දී තිබුණි.

එම කාලය තුළ තීරණයක් ප්‍රකාශ නොකළ පුද්ගලයින් ජපන් පුරවැසිභාවය තෝරාගත් අය ලෙස ස්වයංක්‍රීයව සලකනු ලැබේ. ඒ සමඟම ඔවුන්ගේ විදේශීය පුරවැසිභාවය අතහැර දැමූවක් ලෙස ජපන් නීතියෙන් පිළිගැනේ.

ස්ථිර පදිංචියටත් අලුත් කොන්දේසි

ජපන් ජාතිකයන් සැමවිටම තම මව්බිමට පමණක් පක්ෂපාතී විය යුතුය යන දැඩි ස්ථාවරය මෙම තීරණය පසුපස පවතී.

මේ අතර, ජපානයේ ස්ථිර පදිංචිය (Permanent Residence) අපේක්ෂා කරන විදේශිකයන් සඳහා ද නව ඇගයීම් ක්‍රමවේදයක් හඳුන්වා දී තිබේ.

ඒ අනුව, අයදුම්කරුවන්ට B1 මට්ටමේ ජපන් භාෂා දැනුමක් සහ එරට නීති පද්ධතිය පිළිබඳ මූලික අවබෝධයක් තිබීම අනිවාර්ය සාධකයක් බවට පත් කර ඇත.


වැඩිදුර තොරතුරු ඇතුළත් මූලාශ්‍ර සබැඳිය

ප්‍රවෘත්ති මූලාශ්‍රය (YEN.com.gh): Japan Sets Deadlines for Dual Citizens to Choose One Nationality or Lose Japanese Status


The Leader • WhatsApp නිල සේවාව

අපගේ නිල WhatsApp සමූහයට එක්වන්න

නවතම සහ උණුසුම් පුවත්, විශේෂ විමර්ශන වාර්තා ක්ෂණිකව ඔබගේ දුරකථනයටම ලබාගැනීමට The Leader WhatsApp සමූහය හා අදම එක්වන්න.

#theleader.lk#theleadernews
The Leader • අප ගැන

Theleader.lk යනු ශ්‍රී ලංකාව තුළ සහ ජාත්‍යන්තර ඩයස්පෝරාව අතර ක්‍රියාත්මක වන ප්‍රවෘත්ති සහ කාලීන විශේෂාංග පළ වන ප්‍රමුඛතම වෙබ් පුවත් පර්යන්තයකි. නවතම සහ කාලීන පුවත් මෙන්ම දේශපාලන තොරතුරු සිය පාඨකයන් හට දිනපතා ඉදිරිපත් කරනු ලබයි.

තව කියවන්න (Read More)→

Discussion (0)

Join the Conversation

Register as a reader to share your comments, react to analysis, and join discussions on The Leader stories.

Loading discussion...