ටෙලිකොම් පෞද්ගලීකරණ ගිවිසුම අනුව මැලේසියානු ජාතික ශ්‍රී ලංකා සම්භවයක් හිමි දමිළ බෞද්ධ ආනන්ද ක්‍රිෂ්ණන් සතු GTLH සහ ශ්‍රී ලංකා රජය සතු කොටස් තෙවන පාර්ශවයකට විකිණීමට තහංචි පනවා ඇත. එමනිසා මැලේසියානු සමාගම විසින් ඉතිරි කොටස් මිලදී ගැනීම ප්‍රතික්ශේප කලහොත් පමනක් රජයට තෙවැනි පාර්ශවයකට තමාසතු 49..5 % ක කොටස් විකිණිය හැකිවේ.
දැනටමත් ඩයලොග් ආයතනයේ 82.74% කට වඩා වැඩි කොටස් ප්‍රමාණයක් මැලේසියාවේ ඩයලොග් ආසියාටා සතුවන අතර ටෙලිකොම් ආයතනයත් මැලේසියාව සතුවූ විට ශ්‍රී ලංකාවේ සමස්ථ විදුලි සන්දේශ අයිතිකරු මැලේසියාව වනු ඇත. දකුණු ඉන්දියනු, පෘතුග්‍රීසි, ලංදේසි සහ ඉංග්‍රීසි යටත් කර ගැනීම් වලට සාපේක්ෂව මෙය සුන්දර අත්පත් කරගැනීමකි.
ගිවිසුම කඩකර ලයිකා මොබයිල්, රිලයන්ස්, අම්බානි වැනි තෙවැනි ගැනුම්කරුවෙකට රජය සතු කොටස් පැවරීමට ජනාධිපති රනිල් වික්‍රමසිංහ ගේ තිරය පිටුපස සිටින ගෝල බාලයන් උත්සාහය දරමින් සිටී.
ඔහුන් තම අරමුණ ජයගත්තද අනාගතයේ දිනක ජාත්‍යන්තර අධිකරණයක් හමුවේ GTLH (මැක්සීස්) වෙත අති විශාල වන්දි මුදලක් ගෙවීමට සිදුවනු ඇත. එය සමහර විට රජය සතු කොටස් විකුණා ලබාගන්නා මුදලටත් වඩා වැඩිවනු ඇත.
අතට ලැබෙන ඩොලර් ගැන පමනක් හිතන ජාතියකට, ලෝකයේ සියළුම රටවල් හා දැනට සම්බන්ධවී තිබෙන ටෙලිකොම් සතු සබ්මැරීන් ෆයිබර් ඔප්ටික් කේබල් පද්ධතියද මේ අනුව අහිමි වනු ඇත.
(ලාලිත හේවාගමගේ)
සමාජ මාධ්‍ය ක්‍රියාකාරික
mail4hewagamage@gmail.com
