මුන් ඔක්කොම යාලුවෝ නේ මල්ලි - (මහිම සුජීව ගමගේ)

“ජනතාවගේ ආණ්ඩුව නිර්මාණය විය යුත්තේ ජනතාව සඳහාය,

දෙවැනි ප්‍රශ්නයට උත්තරය විදියට කියන්න තියෙන්නේ ආණ්ඩුව බලයට පත් කෙරුවෙ ජනතාව වුනත් දැන් ඒ ආණ්ඩුව කල් ඉකුත් වී ගිය ආණ්ඩුවක් නිසා ජනතාවගේ සිතැඟි ඉටුකරන ආණ්ඩුවක් නොවන නිසා මේ වෙනකොට ආණ්ඩුවේ අරමුණු ජනතාවාදී නොවන නිසා මේ ආණ්ඩුව පිහිටුවීමේ කාර්ය ජනතාවගේ අයිතියෙන් ගිලිහිලා තියෙනවා.

සෞඛ්‍ය අංශය මුළුමනින්ම කඩා වැටිලා මුළු රෝහල් පද්ධතියම බිඳ වැටිලා බාල බෙහෙත් වැරදි ප්‍රතිකාර හින්දා ජනතාවගේ දූ දරුවන් මියයනවා ඒකට ආණ්ඩුව වගකියන්නේ නැහැ.

ආණ්ඩුව ඒකටත් වග කියන්නේ නැහැ. අත්‍යවශ්‍ය ආහාර ද්‍රව්‍යවල මිල අහස උසට නැගලා. රටේ දරුවන්ගේ මන්ද පෝෂණය ඉහළ නැගලා. සමහර පළාත්වල බොන්න වතුර ටිකක් නැහැ. හිඳිච්ච වැව් වලින් අපිරිසිදු වතුර කල වලට ගෙනියන දුප්පත් අසරණ ජනතාව ඒවා පානය කිරීමෙන් වකුගඩු රෝග වලට ගොදුරු වෙලා.

දවසින් දවස රට ඇදගෙන යන්නේ පතුලක් පේන්නේ නැති අඳුරු අගාධයකට ආණ්ඩුවේ මැති ඇමතිවරුන් මොන විශ්වාස භංගය ගෙනාවත් ආණ්ඩුව දිනනවා. ඒත් ආණ්ඩුව මේ රටේ මහ පොළොවෙ යථාර්තය ඇතුලෙ ජනතාවගේ විශ්වාස භංගයට අහුවෙලා පැරදිලා හමාරයි.

ලෝක බැංකුව ජාත්‍යන්තර මූල්‍ය අරමුදල කියන කියන විදියට මේ රටේ ජනතාවට බර පටවනවා. විදුලිබිල නහුතයට නග්ගලා, වතුර බිල නහුතයට නග්ගලා ඒ බිල් ගෙවාගන්න බැරුව ජනතාව හූල්ලා හූල්ලා තියෙන බඩු මුට්ටුවක් විකුණලා දාලා හරි ගෙවලා දරුවන්ට බඩෙන් බාගයක් කන්න දෙනවා. 

ජනතාවට මොන පැත්තකින්ද ආණ්ඩුව සහන සලසලා තියෙන්නේ.

ජනතාවගේ කප්පරක් දුක්කන්දරාවට විසඳුමක් දෙන්න සල්ලි නැති ආණ්ඩුව මැතිඇමතිවරුන්ගේ ගිනිගත් ගෙවල් හදාගන්න බිලියන ගණනින් සහන සලසනවා ගිනි තිබ්බ අයව නීතියේ රැහැනට හසු කරගෙන දඬුවම් දෙනවා වෙනුවට මැති ඇමතිවරුන්ට ගෙවල් ගන්න ගෙවල් හදාගන්න බිලියන ගණන් වන්දි ගෙවනවා.

ගෑස් සිලින්ඩර පිපිරිලා මැරුණ ජනතාවට, ගෑස් පෝලිම් වල ඉඳලා මැරුණ ජනතාවට, වගා පාළුව හින්දා ගොවින්ට සිද්ධ වෙච්ච පාඩු විඳින ගොවිජනතාවට, වන අලි සංහාර නිසා ගෙවල්  අහිමි වෙච්ච ජනතාවට වන්දි ගෙවන්න සල්ලි නැති මේ තුප්පහි ආණ්ඩුව අමනයෝ ගිනි තැබුව ගෙවල් වලට (ගෙවල් නෙමෙයි ඒවා මහා මන්දිර) කෝටි ගණනින් වන්දි ගෙවන්නේ දැන් අපේ රටේ සෞඛ්‍ය ඉහළ මටට්මක තියෙන හින්දද දැන් ගොවියො සුඛිත මුදිත වෙලා ඉන්න හින්දද? 

අවුරුදු 75 ක් තිස්සේ ආණ්ඩු හැම එකක්ම කළේ මුළුරටම ණය බරින් මිරිකවලා රට නස්පැත්තියකට ගොදුරු කරපු එක.

මේ රටේ ජනතාව විඳින දහදුක මැද්දට තම තමන්ට බෙදා ගන්න මේ ආණ්ඩුවට බයක් සැකක් නැතුව කරගෙන ආපු මජර වැඩ ටික සේරම දිගටම කරගෙන යනවා. ඉතිහාසය පුරාවටම හැම ආණ්ඩුවක්ම කළ සන්තෑසික රඟ තමයි ඒ.

මාරුවෙන් මාරුවට රට පාලනය කරපු සේරම පක්‍ෂ අපේ රටේ ආර්ථිකයේ බංකොලොත් භාවයට වගකියන්න ඕන.

රන්ජන් රාමනායක කියු ප්‍රකාශයකින් මේ ලිපිය ඉවර කරන්නම්.

“මුන් ඔක්කොම යාලුවො නේ මල්ලි”

(මහිම සුජීව ගමගේ)
නිදහස් මාධ්‍යවේදී
This email address is being protected from spambots. You need JavaScript enabled to view it.

---