හොරගල විමලතිස්ස හිමි, මොහාන් ධර්මරත්න සහ අසිතංජන සෙනෙවිරත්න විසින් පරිවර්තනය කරන ලද, "ගුප්ත ගංගාව සහ තවත් ඔදියා කෙටි කතා" කෙටි කතා සංග්‍රහය පිළිබඳ සාහිත්‍යමය සංවාදයක් නොවැම්බර් 14 වෙනි සෙනසුරාදා උදෑසන 10ට ගම්පහ ආසියානු සාහිත්‍ය නිවහනේ දී පැවැත්වේ.
The Asian Review Sinhala විසින් සංවිධානය කරනු ලබන මෙම සාහිත්‍යමය සංවාදයේ දී කෘතිය පිළිබඳව මූලික අදහස් දැක්වීම් සඳහා: ජයසිරි අලවත්ත, අනිල් හේරත් සහ භූෂන් ප්‍රදීප් සම්බන්ධ වීමට නියමිතව සිටිනවා. සංවාදය මෙහෙයවීම පැතුම් පුංචිහේවා විසින් සිදුකිරීමට නියමිත ය.
මෙවර පැවැත්වීමට නියමිතව තිබෙන්නේ 111වන සාහිත්‍ය සංවාද මණ්ඩපයයි.
මෙම කෘතිය පිළිබඳ සංවාදයට සහභාගී වීම සඳහා ඔබට ද ගම්පහ විශාකා පාරේ අංක 16 දරණ ස්ථානයේ පිහිටි ආසියානු සාහිත්‍ය නිවහනට පැමිණිය හැකි අතර, 'ගුප්ත ගංගාව ඇතුළු ඔදියා කෙටිකතා' පිළිබඳ සංවාදයට සම්බන්ධ වීමටත්, ඔබේ අදහස් බෙදාහදා ගැනීමට මෙන්ම, සොඳුරු සහෘද මොහොතක් ගතකිරීමටත් ඔබ සැමට ආරාධනා කරනවා.
කිසිදු මුදලක් අය නොකරමින් පැවැත්වෙන මෙම සාහිත්‍ය සංවාදයට ඔබ ගෙන ආ යුත්තේ, සහෘද හදවත පමණි.
