ඒ අනුව අද දිනයේදි මෙම නව බස් ගාස්තුව සඳහා කැබිනට් මණ්ඩලයට ඉදිරිපත් කර අනුමැතිය ගැනීමටද නියමිතව තිබේ.
පසුගිය වසරේ (2025) ජූලි මස සිට ක්‍රියාත්මක වන බස් ගාස්තුව වර්තමානයේ ක්‍රියාත්මක වන අතර එම ගාස්තුව සකස් කිරීමේදී ඩීසල් ලීටරයක මිල රුපියල් 289 ක් ලෙස ගලපා ඇති බවත් ඩීසල් ලීටරයක මිල පෙරේදා (21) රුපියල් 79 කින් ඉහළ යෑමත් සමඟ ඩීසල් ලීටරයක මිල රුපියල් 382 ක් දක්වා ඉහළ ගිය බවත් මිරැන්ඩා කීය.
බස් ගාස්තු සූත්‍රයට අවසන් වරට ඩීසල් මිල ගැලපීම සළකා බැලීමේදී ඩීසල් මිල රුපියල් 93 කින් ඉහළ ගොස් ඇති බව කී ආචාර්ය නිලාන් මිරැන්ඩා, 2025 වසරේ ජූලි මාසයෙන් පසුව අවස්ථා කීපයකදී ඩීසල් මිල සංශෝධනය වුවද එය සමස්ත ගාස්තු සුචිය සියයට 4 කට අධික ප්‍රතිශතයක් නොවීම නිසා ගාස්තු ඉහළ නොදැමූ බව වැඩි දුරටත් සඳහන් කළේය.
බස් ධාවනයෙන් ඉවත් වීමට කටයුතු කරන බව බස් සංගම් පවසයි
කෙසේ වෙතත් බස් ගාස්තු සංශෝධනය ඊයේ (22) දිනයේම සිදුවිය යුතු බව බස් සංගම් රැසක් සඳහන් කළ අතර ගාස්තු සංශෝධනය සම්බන්ධයෙන් සාකච්ඡාවක් ඉල්ලා බස් සංගම් නියෝජිතයින් ජාතික ගමනාගමන කොමිෂන් සභාවට පැමිණියද ඊට නිසි ප්‍රතිචාරයක් නොලැබුණු බව ඔවුන් සඳහන් කළේය.
ඒ අනුව ඊයේ දිනයේදී අදාළ බස් ගාස්තු සංශෝධනය සිදු නොවුණු බැවින් අද දිනයේදී බස් ධාවනයෙන් ඉවත් වීමට කටයුතු කරන බවද බස් සංගම් පැවසීය.
මේ සම්බන්ධයෙන් පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න ද පැවසුවේ බස් ගාස්තු ඉහළ දමන තෙක් බස් ගාස්තු ධාවනය සිදු කිරීමටද හැකියාවක් නොමැති බවය.
කෙසේ වෙතත් අද දිනයේදී නව බස් ගාස්තු සංශෝධනය කැබිනට් මණ්ඩලය වෙත යොමුකර අනුමැතිය ලබා ගැනීමට නියමිතව ඇති අතර ඒ අනුව 10%කට ඉහළ අගයකින් බස් ගාස්තු සංශෝධනය විමටද නියමිතව ඇති බවත් ජාතික ගමනාගමන කොමිෂන් සභාව සඳහන් කළේය.
