මාරාන්තික වසංගතය පාලනය සදහා බූස්ටර් මාත්‍රාව ලබාගත් ශ්‍රී ලාංකිකයන් ගණන ලක්ෂ පනහ ඉක්මවා ගියත් එන්නත් ලබා ගැනීමේ පසුබෑමක් දක්නට ඇති හෙයින් රටේ තිබෙන එන්නත් තොග කල් ඉකුත්වීමේ අවදානම

ගැන සෞඛ්‍ය බලධාරීහු බිය පල කරති.

දෛනික ආසාදිතයන්ගේ ප්‍රමාණයද යළිත් වරක් නමසීයේ සීමාව ඉක්මවා තිබේ.

රජයේ ප්‍රවෘත්ති දෙපාර්තමේන්තුව නිවේදනය කර ඇත්තේ ජනවාරි 26 වැනි බදාදා කොවිඩ් ආසාදිතයන් 927 දෙනෙකු හඳුනාගෙන ඇති බවයි.

ඖෂධ නිෂ්පාදන භාර රාජ්‍ය රාජ්‍ය අමාත්‍ය චන්න ජයසුමන පවසන්නේ ඊයේ (26) දිනයේ දී පුද්ගලයන් 30,253 දෙනෙකු එන්නත් ලබාගැනීමත් සමග එන්නත් ලබාගත් සමස්තය ප්‍රමාණය  මිලියන 5 ඉක්මවා ගිය බවයි.



කෙසේවෙතත්, එන්නත් ලබා ගැනීම අතපසු වුනොත් ඉතිරි ෆයිසර් මාත්‍රා අනූ ලක්ෂයක් වසර මැද වන විට අපතේ යාමේ අවදානමක් ඇති බවට සෞඛ්‍ය බලධාරීහු අනතුරු අඟවති.



“මහජනතාව බූස්ටර් මාත්‍රාව නොගෙන හිටියොත් 2022 ජූලි වෙනකොට ඒවා කල් ඉකුත් වෙනවා,” යි  මහාචාර්ය චන්න ජයසුමන පවසයි.

“කරුණාකර එන්නත ගන්න, මොකද සියලු දත්ත වලින් පෙන්නුම් කරන පරිදි රෝගීන්ගේ සංඛ්‍යාව ඉහළ යමින් පවතිනවා,” යි කොළඹ ජාතික රෝහලේ නියෝජ්‍ය අධ්‍යක්ෂ දොස්තර චන්දන ඉල්ලා සිටී.

මාස හතරකට පමණ පසුව දෛනික කොවිඩ් ආසාදිතයන් සංඛ්‍යාව 900යේ සීමාව ඉක්මවා ගිය පළමු අවස්ථාව මෙය වන අතර මේ වනවිට මෙරට දෛනික අසාදිතයන් 2500ක් ඉක්මවා සිටින බව මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ පවසයි.

ඔහු ඒ බව සදහන් කළේ පෞද්ගලික රූපවාහිනි නාලිකාවක වැඩ සටහනකට ඒක්වෙමිනි.



"භූමියේ තත්වය  නිවැරදිව සංඛ්‍යා ලේඛන එකතු කළොත් මේ වෙනකොට 2500 ඉක්මවා වාර්තා වෙනවා. ඒ වගේම අපි දන්නවා ඩෙල්ටා 3500 ඉක්මවද්දී පරීක්ෂණ 25,000 සීමාවට ගියා. නමුත් මේ වෙනකොට ඉතාම අඩු පරීක්ෂණ සංඛ්‍යාවක් කරන්නේ. ඇන්ටිජන් සහ PCR පරීක්ෂා දෙකේම එකතුව මේ වෙද්දි 12,000ක් වෙන්නේ. ඇන්ටිජන් පරීක්ෂාව පොසිටිව් වෙන්නේ ආසාදිතයෙක් රෝගය පතුරුවන කාලසීමාවේදී විතරයි. "



සෞඛ්‍ය අංශ වාර්තා අනුව මේ වන විට මෙරට සමස්ත කොවිඩ් ආසාදිතයන් සංඛ්‍යාව 604,581ක් දක්වා ඉහළ ගොස් තිබේ.

 ආසාදිතයන් 576,781 දෙනෙකු සුවය ලබා ඇති අතර තවත් ආසාදිතයන් 12,454 දෙනෙකු ප්‍රතිකාර ලබමින් සිටින බව සෞඛ්‍ය අමාත්‍යාංශය සඳහන් කරයි.

 
සබැඳි පුවත් :
 බූස්ටර් එන්නත ලබාගැනීමට බියවිය යුතු ද?

Leader Whats app


භික්ෂූන්ටත් රාජපක්ෂවරු එපාවෙලා! අගමැතිගේ සෙත් පිරිතටවත් එන්න බෑ කියලා!
 

 
රාජපක්ෂලාගේ පාපයට ගැලවීමක් නැති සාපයක්! | Gossip

 
 මුං ගොවියෝ මුං එළවන්න පෙරමුණ ගනී ! | මොණරවිලගේ ලියමන

worky

worky 3

Follow Us

Image
Image
Image
Image
Image
Image

නවතම පුවත්