1200 x 80 DMirror

 
 

ප්‍රවීණ රංගන ශිල්පිනී සුමනා අමරසිංහ මහත්මිය අභාවප්‍රාප්ත වූවාය.



හදිසි අසනීප තත්ත්වයක් මත ඇය රෝහල්ගත කර ඇති අතර එහිදී ඇය ජීවිතක්ෂයට පත්වූ බව ඇගේ සමීප අසල්වැසියෙකු වන ප්‍රේමා කපුගේ විසින් තහවුරු කළාය.

මියයන විට ඇය 73වැනි වියෙහි පසුවූවාය.

ඇය අභාවප්‍රාප්ත චිත්‍රපට අධ්‍යක්ෂක හා රංගන ශිල්පී රෝයි ද සිල්වා මහතාගේ බිරිඳ වූවාය.

මහනුවර රණවන දී උපත ලැබු ඇය පාසල් වේදිකාවේ රඟමින් 1964 වසරේ දෙහිවල පැවතී අවුරුදු කුමාරි තරඟයෙන් මුල් තැන දිනා ගනිමින් 1965 වසරේ “මිස් මේරේ ලාල්” ලෙස ද කිරුළු පැළැඳිය.

ඇය ජනතා පුවත්පතේ “ලස්සන මුහුණු” තරඟයෙන් දෙවැනි තැන ලබා සිනමා නිළි වරම් ලැබීය.

රුබි ද මෙල්ගේ “පිපෙන කුමුදු” චිත්‍රපටයේ ප්‍රථම රංගනය ඉදිරිපත් කළ ඇය රෝයි ද සිල්වා සමග විවාහ වීමෙන් පසු “සුනේත්‍රා”, “සූකිරි කෙල්ල”, “ඔබයි මමයි” වැනි චිත්‍රපටවලින් ජනප්‍රියත්වයට පත් වුවාය.

“රෑන ගිරව්”, “දැන් මතකද”, “මේ දෑස කුමටද”, “ලොකුම හිනාව”, “ටොම්පචයා”, “සුදු පරවියෝ”, “කඩවුණු පොරොන්දුව නව නිෂ්පාදනය”, “තණ ගිරවි”, “ගෙදර බුදුන් අම්මා” වැනි චිත්‍රපට ගණනාවක රංගනය කළ ඇය “ටොම්පචයා”, “තණ ගිරවි”, “සුදු පිරුවට”, “චෙරියෝ ඩොක්ටර්” වැනි චිත්‍රපට ගණනාවක් නිෂ්පාදන කළාය.


(කලාව / கலை / Art- ෆේස්බුක් පිටුවෙන්..)



 


 

Leader Whats app

 

 

 

subscribeYT

subscribeYT

WhatsApp Image 2021 09 13 at 13.49.58