දිනෙන් දින ඉහල යන අත්‍යාවශ්‍ය ආහාර ද්‍රව්‍ය මිල පහත දමන ලෙස ඉල්ලා වතු කම්කරු ජනතාව වීදි බැස විරෝධය දක්වා තිබේ.

හැටන් නගරයට සති අන්තයේදී  එක්වූ දහස් ගණන් වතු කම්කරු ජනයා අතවශ්‍ය ආහාර හා ඖෂධ මිල පහත දමමින්, ජිවත් වීමට හැකි වැටුපක් ලබා දෙන ලෙස ඉල්ලා පැයක පමණ උද්ඝෝෂණයක් පැවැත්වූ බව කඳුරට මාධ්‍යවේදියෝ වාර්තා කරති.

උද්ඝෝෂණයට එක්ව සිටී වතු කම්කරු ජනයා කියා සිටියේ දැනට චව් චව් සහ විවිධ අල වර්ග ආහාරයට ගෙන තම කුසගින්න නිවා ගන්නා බවයි. තම ආදායම ඉහල දමා ජිවන වියදම අඩු කරන ලෙස ඔව්හු ආණ්ඩුවෙන් ඉල්ලති.


ජනතා විමුක්ති පෙරමුණට අනුබද්ධ බහුජන සංවිධානයක් වූ `අයිතිය උදෙසා කාන්තාවෝ`සංවිධානය විසින් කැඳවන ලදුව  `සාගතයේ අරගලය`ලෙස නම් කර තිබු මෙම උද්ඝෝෂණයේදී ඔව්හු  `බිත්තර, කිරි, මස්, මාළු ඇමතිලාට විතරද`, `ගැබිණි මව්වරුන්ගේ පෝෂණ මල්ල කෝ`, `ජනතාව මහමග- ඇමතිලාට සුපිරි වාහන`, `රටට බර ඇමැති වරප්‍රසාද අහෝසි කරනු`, ආදී පුවරු ප්‍රදර්ශනය කරමින්, සටන් පාඨ හඬ නැගුහ.

`අයිතින් උදෙසා කාන්තාවෝ`  සංවිධානයේ සභාපතිනිය සරෝජා සාවිත්‍රි පෝල්රාජ් මාධ්‍යට අදහස් දක්වමින් කියා සිටියේ ජිවන වියදම සහ භාණ්ඩ මිල ඉහල යාම හමුවේ වතුකරයේ ජනතාව ඇතුළු සමස්ත රටේ ජනතාව කුසගින්නේ සිටිමට සිදු වි ඇති බවයි.

'' ඒ අතරින් ආර්ථික තත්වයෙන් පහල මට්ටමක සිටින වතුකරයේ ජනතාව දිනකට එක් වේලක් විතරක් මොනා හෝ ආහාරයට ගෙන දැනට ජිවත් වෙනවා. මේ තත්ත්වය එම අයට  ඉදිරියේදී බඩගින්නේ මැරෙන්න වෙන්නේ.''

Kamkaru 2022.09.20


The LEADER Whatsapp Group එකට එකතුවෙන්න. 
W

subscribeYT

WhatsApp Image 2021 09 13 at 13.49.58

නවතම පුවත්

ඇට මැස්සා