විශේෂ ගැසට් නිවේදනයක් ප්‍රකාශයට පත්කිරීමට ක්‍රීඩා අමාත්‍ය රොෂාන් රණසිංහ පියවර ගෙන ඇතැයි වාර්තාවේ.
එසේම, ජාතික ක්‍රීඩා සම්මේලනයක සභාපති, ලේකම් හා භාණ්ඩාගාරික වැනි ප්‍රධාන තනතුරු දැරිය හැක්කේ වසර දෙක බැගින් උපරිම දෙවරකට පමණක් ලෙස එම ගැසට් නිවේදනය මගින් සීමා පැනවීමක් ද සිදුකර ඇතැයි පැවසේ.
කෙසේවුවද ජාතික ඔලිම්පික් සම්මේලනයට පමණක් එම කාල සීමාව වසර 4 බැගින් උපරිම වාර දෙකට අවස්ථාව ලබාදී ඇතැයි ද වාර්තාවේ.
එසේම, සියලුම ජාතික ක්‍රීඩා සම්මේලන දිස්ත්‍රීක් මට්ටමින්, පළාත් මට්ටමින් සිය ක්‍රීඩා සංගම් පිහිටුවා විදිමත් පරිදි පවත්වාගෙන යාම අනිවාර්ය කිරීමට ද මෙම ගැසට් නිවේදනය මගින් අනිවාර්යය කර ඇතැයි ක්‍රීඩා අමාත්‍යංශ ආරංචිමාර්ග පවසයි.
මේ හරහා ඇතැම් ක්‍රීඩා සම්මේලන තුල පවතින ඒකාධිකාරය බිඳදමමින්, ක්‍රීඩාව ගම් මට්ටමින් ව්‍යාප්ත කිරීම ක්‍රීඩා අමාත්‍යවරයාගේ බලපොරෝතුව බව පැවසේ.
මෙම කාරණාවලට අදාල ගැසට් නිවේදන 3ක් ප්‍රකාශයට පත්කිරීමට නියමිත බවත් ඒ සම්බන්ධයෙන් හෙට (16) පෙරවරු 9.30 ට විශේෂ මාධ්‍ය හමුවක් කැඳවා පැහැදිලි කිරීමට නියමිත බවත් ඉහත ආරංචිමාර්ග වැඩිදුරටත් කියා සිටියි.
The LEADER Whatsapp Group එකට එකතුවෙන්න
