පන්සල්වලට මුල්තැන දෙමින් ආගමික සිද්ධස්ථානවලට පමණක් සහන සලසමින් ඉදිරි සතියෙන් උදාවන අලුත් අවුරුද්දේ විදුලි ගාස්තු වැඩි කිරීමට රජය පියවර ගැනීමෙන්

රටේ ජනතාවගේ සෞඛ්‍යය අනතුරේ වැටීමේ අවදානමක් මතුවී තිබේ.

විදුලිබල හා බලශක්ති අමාත්‍ය කාංචන විජේසේකර පවසන්නේ 2023 ජනවාරි මාසයේ ආරම්භයේ සිට විදුලි බිල වැඩි නොකරන්නේ නම් බදු වැඩි කිරීම, මුදල් මුද්‍රණය කිරීම හා විදුලි කප්පාදුව වැඩි කිරීම වැනි විකල්පවලට යාමට සිදුවනු ඇති බවයි.

එහිදී ඉන්දීය ණය යෝජනා ක්‍රමය යටතේ ආගමික සිද්ධස්ථානවල වහළය මත සවි කරන සූර්ය පැනල සවි කිරීමේ වැඩපිළිවෙලක් පිරිවෙන්වලට ප්‍රමුඛතාව ලබාදෙමින් ක්‍රියාත්මක කරන බව විදුලිබල හා බලශක්ති අමාත්‍යංශය පැවසීය.



KW a

රජය විසින් යෝජිත විදුලි බිල වැඩි කිරීම සිදු කළ හොත් රටේ රෝගීන් එහි සෘජු ගොදුරක් බවට පත්වීමට ඇති හැකියාව සම්බන්ධයෙන් සුව සේවයේ වෘත්තිය සමිති නායකයකු අනතුරු අගවා තිබේ.

රටේ පවත්නා මන්දපෝෂණයේ බියජනක තත්වය සම්බන්ධයෙන් තොරතුරු හෙළි කිරීම නිසා රැකියාවද අහිමිව සිටින වෛද්‍ය සහ සිවිල් අයිතිවාසිකම් පිළිබද වෛද්‍යවරුන්ගේ වෘත්තීය සමිති සන්ධානයේ සභාපති පෙන්වා දෙන්නේ, බාහිර සහ අභ්‍යන්තර ඔසු සල්, රෝහල් පද්ධති, සුපිරි වෙළදසැල් ආදී ස්ථාන වල අධි ශිතකරණ, ශිතරකණ සහ වායු සමීකරණ යන්ත්‍ර විදුලිබිල ඉහළ යාමත් සමග බොහෝ විට අක්‍රිය තත්වයේ පවත්වාගෙන යන බවයි.

එහි අහිතකර ප්‍රතිළුල කවරේදැයි වෛද්‍යවරයා පැහැදිලි කළේය.

 

'' ඒ නිසා වෙන්නේ මොකක්ද මේ වාගේ ගබඩා කරන ඹෟෂධ, ඒවායේ තියන එන්නත් වර්ග, කුඩා දරුවන්ට ලබා දෙන ප්‍රතිජීවක ඖෂධ වර්ග, ඒවායේ තියන අනිකුත් ඖෂධ වර්ග නියමිත ප්‍රමිතිගත උෂ්ණත්වයෙන් පවත්වාගෙන යන්නේ නැති උනාට පස්සේ එම ඹෟෂධ තත්වය බාල වෙනවා, එම ඹෟෂධ ලබාගත් රෝගීන්ට රෝගය සුවපත් වෙන්නේ නෑ. රෝගීන්ට සංකුලතා මතු වෙන්න පුළුවන්. ආසාත්මිකතා මතු වෙන්න පුළුවන්. වෛද්‍යවරු ඹෟෂධයක් නියම කිරීමෙන් බලාපොරොත්තු වන ප්‍රතිළුලය රෝගීන්ට ලැබෙන්නේ නෑ. ඒක නිසා වෙන්නේ මොකක්ද රෝගීන්ට සුවපත් වෙන්න තියන කාලය වැඩි වෙනවා. සංකුලතා ඇති වෙන්න පුළුවන්. ''

 

වෛද්‍ය සහ සිවිල් අයිතිවාසිකම් පිළිබද වෛද්‍යවරුන්ගේ වෘත්තීය සමිති සන්ධානයේ සභාපති වෛද්‍ය චමල් සංජීව එම අනතුරු ඇගවීම සිදු කළේ දෙසැම්බර් 28 වැනි බදාදා කොළඹදී මාධ්‍ය හමුවක් පවත්වමිනි.





එදිනම සමාජ මාධ්‍ය ඔස්සේ නිවේදනයක් නිකුත් කරන විදුලිබල හා බලශක්ති අමාත්‍යවරයා පවසන්නේ විදුලි බිල වැඩි කිරීම ගැන එදිනම අදාළ වෘත්තීය සමිති හා සාකච්ඡා කළ බවයි.

“යෝජිත විදුලි ගාස්තු හැඩ ගැස්සීම, ලංකා විදුලිබල මණ්ඩලය ප්‍රතිව්‍යුහකරණය, ලංකා විදුලිබල මණ්ඩල වියදම් කළමනාකරණය සහ වෙනත් සේවා කරුණු සම්බන්ධයෙන් ලංවිම ජ්‍යෙෂ්ඨ ඉංජිනේරු සංගමය, විදුලි අධිකාරි සංගමය, තාක්ෂණික සේවා සහ වෙනත් වෘත්තීය සමිති සාමාජිකයන් සමග ඊයේ සාකච්ඡා කරන ලදී,” යි අමාත්‍ය කාංචන විජේසේකර දෙසැම්බර් 29 දා ට්විටර් පණිවිඩයකින් දන්වා තිබුණි.

එහිදී එළැඹි එකඟතා කවරේදැයි ඔහු හෙළි කොට නැත.

kw ah

ඉන්දීය රජය විසින් සලසා දී තිබෙන ඩොලර් මිලියන 100ක් යොදාගනිමින් පාසල්, විශ්ව විද්‍යාල, අධ්‍යාපන ආයතන, රෝහල්, දිස්ත්‍රික් හා ප්‍රාදේශීය ලේකම් කාර්යාල, රජයේ ආයතන හා ආගමික ආයතනවලට පියසි මුදුන් සූර්ය පැනල ලබා දීමට කොළඹ ඉන්දීය දූත මණ්ඩල නිලධාරීන් සමග සාකච්ඡා ද පැවැත්වූ බව බව අමාත්‍යවරයා ඉකුත් ඔක්තෝබරයේදී නිවේදනය කර තිබුණි.

එහෙත් දැන් ඔහු පවසන පරිදි සූර්ය පැනල සහනය ලබා දෙන්නේ ආගමික ආයතන වලට පමණි. ඒ අනුව ඉදිරි තුන් මාසය ඇතුලත කිලෝවොට් 5ක සූර්යබල ඒකකයක් සෑම ආගමික සිද්ධස්ථානයකටම නොමිලේ සපයනු ඇත.

සෞඛ්‍ය වෘත්තීය සමිති නායකයා අමාත්‍යවරයාගෙන් ඉල්ලා සිටින්නේ විදුලි බිල වැඩි කිරීමේදී සෞඛ්‍ය අංශ පවත්වාගෙන යන රාජ්‍ය සහ පෞද්ගලික  ආයතන සම්බන්ධයෙන්ද විශේෂ සහනදායි වැඩ පිළිවෙලක් ක්‍රියාත්මක කරන ලෙසයි.

සැප්තැම්බර් මාසයේ දී හම්බන්තොට දිස්ත්‍රික්කයේ සූරියවැව අඩු ආදායම්ලාභී පවුල්වල දරුවන් පදනම් කරගනිමින් වෛද්‍ය චමල් සංජීව විසින් සිදු කරනු ලැබූ මාධ්‍ය ප්‍රකාශයක් පදනම් කරගනිමින් රාජ්‍ය සේවා කොමිසන් සභාව සහ සෞඛ්‍ය අමාත්‍යාංශය ඔහුගේ වැඩ තහනම් කිරීමට කටයුතු කළ අතර  රට පුරා වෘත්තීය සමිති ඊට දැඩි විරෝධය මතු කර තිබේ.


ජනවාරි සිට


ජනවාරි 02 දා පැවැත්වීමට නියමිත කැබිනට් රැස්වීමේදී විදුලි ගාස්තු ඉහල දැමීම පිළිබඳව සාකච්ඡා කරන බව පවසන  අමාත්‍යවරයා පසුගියදා කොළඹදී පැවැති මාධ්‍ය හමුවකදී තවදුරටත් ප්‍රකාශ කළේ, උත්පාදන පිරිවැය ආවරණය කර ගැනීම වෙනුවෙන් පමණක් විදුලි බිල වැඩි කිරීමට තීරණය කර ඇති බවයි.

විදුලි බිල වැඩි කිරීමේ ආණ්ඩුවේ උත්සාහයට විදුලි බල වෘත්තීය සමිති ද දැඩි විරෝධය පළ කර තිබේ. එමෙන්ම ජනවාරි මස යළිත් වරක් විදුලිබිල ඉහළ දැමීමේ ආණ්ඩුවේ සැලසුමට මහජන උපයෝගීතා කොමිෂන් සභාවේ සභාපති ජනක රත්නායක ද සිය විරෝධය පළ කර ඇත.



JW

 

 

Follow Us

Image
Image
Image
Image
Image
Image

Exchange Rates

නවතම පුවත්