සමාජ මාධ්‍ය ඔස්සේ ප්‍රචාරය වන අතර එහිදී වසා දමා තිබූ මාර්ගයන්හි සිටි වාහන හා යතුරුපැදිවල හිමිකරුවන් නලා ශබ්ද කරමින් සිය විරෝධය පළකරන ආකාරය දැක්වේ.
මේ සම්බන්ධයෙන් ඊයේ (21) පැවති කැබිනට් මණ්ඩල රැස්වීම තුලද කතාබහට ලක්ව ඇති අතර ජනාධිපති මෛත්‍රීපාල සිරිසේන මහතා එහිදී සිනාසෙමින් පවසා ඇත්තේ එසේ පාරවල් වසා ගෙන ගමන්කර ඇත්තේ තමා යටතේ ඇති අමාත්‍යංශයක රාජ්‍ය ඇමතියකු බවයි.
එසේ ගමන්කර ඇත්තේ ජනාධිපති බව ජනතාවගේ අදහස වී ඇතැයි ඇමතිවරුන් කිහිප දෙනෙකුම මේ අවස්ථාවේදී සඳහන් කර තිබේ.
මෙම කාරණය සම්බන්ධයෙන් මාධ්‍ය හමුවකදී අදහස් දැක්වූ විමල් විරවංශ මන්ත්‍රීවරයා මෙසේ පැවසිය. " ඇමති කෙනක් යනකොට පාර වහලා. මිනිස්සු පීඩනයකින් ඉන්නේ. හෝන් ගහලා පෙන්නුවේ ඒ පීඩනයයි. මිනිස්සු දරාගෙන ඉන්නේ ටිකයි. ඇමතිලා කවුද යනකොට පාර වහන්න"
මෙම රාජ්‍ය ඇමතිවරයා පසුගිය දිනක ද ආරක්ෂක අංශ සමග විශාල රථ සංඛ්‍යාවක් පිරිවරාගෙන ගමන් කරන වීඩියෝවක් සමාජ මාධ්‍ය ඔස්සේ සංසරණය වෙමින් තිබු අතර එය බොහෝදෙනාගේ දැඩි විවේචනයට ලක්විය.