ගෝඨාභය රාජපක්ෂ මහතාගේ ප්‍රධාන උපදේශක හිමිනමක වන පැපිලියාන සුනේත්‍රාදේවි පිරිවෙනේ පරිවේනාධිපති පුජ්‍ය මැදගොඩ අභයතිස්ස හිමියන් ඊයේ (22) දිනයේ වැලිකඩ බන්ධනාගාර රෝහලට ගොස් ඥානසාර හිමියන් බැහැදැක රහස් සාකච්ජා පවත්වද්දී, ඔහු වෙනුවෙන් ක්‍රියාත්මක 'මව්බිම වෙනුවෙන් රණවිරුවෝ' සංවිධානය පවසා සිටියේ, බොදු බල සේනා සංවිධානයේ මහ ලේකම් පූජ්‍ය ගලගොඩඅත්තේ ඥාණසාර හිමියන්ට මේ මොහොතේ ජනාධිපති සමාව දිය යුතු නැති බවයි.
පසුගියදා මාධ්‍ය හමුවක දී එම සංවිධානයේ කැඳවුම්කරු මේජර් අජිත් ප්‍රසන්න මහතා, ජනාධිපති සමාව යටතේ ඥානසාර හිමියන් නිදහස් කිරීමට අවශ්‍යනම් එළඹෙන ජනාධිපතිවරණයෙන් පසුව එය සිදු කළ හැකි බව පවසයි.
මේ මොහොතේ ඥානසාර හිමියන් නිදහස් කිරීමෙන් සිදුවන්නේ ඉදිරි ජනාධිපතිවරනයේදී ගෝඨාභය රාජපක්ෂ මහතාගේ ඡන්ද පදනම දියාරු කිරීම බවද ඔහු එම මාධ්‍ය හමුවේදී වැඩිදුරටත් කියා සිටියේය.