මුස්ලිම් ජාතික ප්‍රසව හා නාරි විශේෂඥවරුන්ට එරෙහිව අන්තවාදීන් කල්ලි කණ්ඩායම් විසින් ගෙනයන ප්‍රචාරයන්ට අනුබල දෙමින්, රාජපක්ෂවරුන් ගර්භනී මව්වරුන් සම්බන්ධයෙන් විශේෂඥ මත පළකිරීම පිළිබඳව අදහස් දක්වමින් ඔහු එබව සඳහන් කර තිබේ.
පැලෝපිය නලයේ පියා හෙවත් පැලොපියා : චන්න ජයසුමන
පැලෝපිය නාල සම්බන්ධයෙන් රාජපක්ෂවරුන්ගේ විශේෂඥ දැනුම අවධාරණය කරන සමාජ මාධ්‍ය ක්‍රියාකාරිකයකු වන මාධ්‍යවේදී රුවන් නෙලූ සිය FB පිටුවේ සටහන් කර ඇත්තේ, පැලෝපිය නලයේ පියා හෙවත් පැලොපියා මහාචාර්ය චන්න ජයසුමන බවයි.
අසීමිත දේපල උපයා ගැනීමේ චෝදනාව මත අත්අඩංගුවට ගන්නා ලද කුරුණෑගල රෝහලේ වෛද්‍ය ෂාෆි ෆිහාබ්ඩීන් විසින් සිංහල මවුවරුවන් වඳ කිරීම සම්බන්ධයෙන් වූ චෝදනාවන් පිළිබඳ තොරතුරු ලැබෙමින් පවතින බවට පළමුවරට 'කිලිපොලායන සාක්‍ෂි සහිත' හෙලිදරව්වක් කළේ මහාචාර්ය වෛද්‍ය චන්න ජයසුමනයි.
ෂාෆි විසින් සහරාන් අඟුටුමිට්ටෙක් කරලා !
මේ අතර පාස්කු ඉරිදා (21) ප්‍රහාරයෙන් පසු මාධ්‍ය 'චරිතයක් බවට පත් සහාරන් අභිබවා කුරුණෑගල ශික්ෂණ රෝහලේ ජ්‍යෙෂ්ඨ ප්‍රසව හා නාරිවේද වෛද්‍යවරයකු ලෙස සේවය කරන මොහොමඩ් ෂාෆි ෂිහාබ්ඩීන් 'මාධ්‍ය චරිතයක්' ලෙස ඉස්මතුව ඇත.
ඒ එම වෛද්‍යවරයා විසින් සිංහල බෞද්ධ මව්වරුන් 4000 කට අධික පිරිසක් වඳභාවයට පත් කළ බවට 'දිවයින' සිය ප්‍රධාන පුවතක් ලෙස වාර්තා කිරීමත් සමගය. එම කාරණය නිහාල් රත්නායක සිය FB පිටුවේ සටහන් කර ඇත්තේ මෙසේය.
එස් බීගේ තවත් හෙළිදරව්වක් :
මේ අතර කලක් ජාතික සංහිඳියාව වෙනුවෙන් පෙනීසිටි සන්ධාන පාර්ලිමේන්තු මන්ත්‍රි එස් බී දිසානායක පවසන්නේ,
පේරාදෙණිය මහ රෝහලේ වෛද්‍යවරයෙක් සහ වෛද්‍යවරියක් සිසෙරියන් සැත්කම අතරතුර දී මවුවරුන් වඳභාවයට පත් කර ඇති බවට චෝදනා රාශියක් එල්ල වන බවයි.
මෙම දෙදෙනාම මුස්ලිම් ජාතිකයින් බවත් සිසේරියන් සැත්කම් කරද්දී ඔවුන් විසින් අනවශ්‍ය තද කිරීම් හෝ සිරකිරීම්වලට වලට ලක් කර කාන්තාවන් වඳභාවයට පත් කළේ යැයි චෝදනා එල්ල වී ඇතැයි ද මන්ත්‍රීවරයා මාධ්‍ය හමුවකදී පැවසීය.
මෙම දෙදෙනා විසින් විශාල ප්‍රමාණයක් සිසේරියන් සැත්කම් කර ඇතැයිද පැවසූ මන්ත්‍රීවරයා ඒ සම්බන්ධයෙන් වෛද්‍ය වරුන්ට විරුද්ධව පැමිණිලි විශාල ප්‍රමාණයක් ලැබී ඇතැයිද සඳහන් කලේය.
මහනුවර තත්වය උණුසුම් වෙද්දී වෛද්‍යවරයා මඩකලපුව ප්‍රදේශයට මාරු වී ගොස් ඇති බවක් වෛද්‍යවරිය විදෙස්ගත වී ඇති බවත් මන්ත්‍රීවරයා මෙම මාධ්‍ය හමුවේදී හෙළි කර සිටියේය.