පරිපූරක ඇස්තමේන්තුවක් පාර්ලිමේන්තුවට ඉදිරිපත් කර ඇති බවත්, ඒ හරහා පුළුල් සහන පැකේජයක් ජනතාවට ලබාදෙන බවත් ජනාධිපතිවරයා අද (19) ප්‍රකාශ කළේය.
ඩොලරයේ අගය ස්ථාවරව පවත්වා ගැනීම සඳහා ජාත්‍යන්තර මූල්‍ය අරමුදලෙන් (IMF) ඩොලර් මිලියන 200ක ක්ෂණික ආධාරයක් අපේක්ෂා කරන බවත්, අලුතින් ඩොලර් උපයා ගැනීම හරහා ආර්ථිකයට එන බලපෑම් වළක්වා ගන්නා බවත් ජනාධිපතිවරයා මෙහිදී අවධාරණය කළේය.
F හදිසි ආපදා තත්ත්වය පහව යෑමෙන් පසුව ආපදාවට ලක්වූ පවුල්වලට නිවාස පිරිසිදු කරගැනීමට රු 25,000ක් ලබාදීම.
F නිවාසට හානි වූ හෝ නිවසේ ගෘහ භාණ්ඩවලට හානි වූ නිවාස සඳහා මුලික උපකරණ ලබාගැනීම සඳහා රු 50,000ක් ලබාදීම.
F පළමු වටයේ දී මුළුමනින්ම නිවාස අහිමි වූ ආදායම් මාර්ග අහිමි වූ, NBRO නිර්දේශ ඇති අර්ධ වශයෙන් හානි වූ නිවාසහිමියන්ට හෝ නිවාස හානි වී නොමැති වුවත් අවදානම් තත්ත්වය තුළ නිවාසට යෑමට නොහැකි ජනතාවට රු 50,000ක දීමනාවක් ජනවාරියේ සිට මාස තුනක කාලසීමාවක් ලබාදීම.
F නිවාස සම්පූර්ණයෙන් හානි සිදුව ඇති, අර්ධ නිවාස හානි හෝ නිවසට හානි සිදුව නොමැතිව NBRO නිර්දේශ මත නිවසින් බැහැරවීමට උපදෙස් දුන් පිරිසට රු 25,000 බැගින් ලබාදීම.
F ආපදාවට ලක්වූ මුළු නිවාස 17,648ක ජනතාවට රු ලක්ෂ 50 බැගින් ලබාදීම.
F වී, බඩඉරිඟු, රටකජු සහ ධාන්‍ය වගා කර ඇති අයට හෙක්ටයාරයකට රු 150,000ක දීමනාවක්.
F මිරිස්, ලූනු, ගස්ලබු, කෙසෙල් ඇතුළු එළවළු වගාකළ ගොවීන්ට හෙක්ටයාරයකට රු 200,000ක දීමනාවක්.
F ඝණත්වය අනුව ගම්මිරිස්, එනසාල් සහ කෝපිවලට වන්දි ලබාදීම. (ගම්මිරිස් වැළකට රු 250ක්.)
F පශු වෛද්‍ය කාර්යාලවල ලියාපදිංචි වූ දෙමුහුන් ගවයෙක් වෙනුවෙන් රු 200,000ක බැගින් උපරිම ගවයින් 10ක් සඳහා ආධාර මුදලක් ලබාදීම.
F දේශීය ගවයෙකු වෙනුවෙන් රු 50,000ක දීමනාවක් උපරිම ගවයින් 20 දෙනෙකු සඳහා ආධාර ලබාදීම.
F සූකරයින්, එළුවන් සහ බැටලුවන් සත්ත්ව පාලනයේ යෙදෙන ලියාපදිංචි වී සිටින පිරිසට එක් සතෙකුට රු 20,000 බැගින් සතුන් 20 දෙනෙකු සඳහා ආධාර මුදලක් ලබාදීම.
F කුකුළු පාලනයේ යෙදෙන පිරිසට මියගිය එක් ලේයර් සතෙකුට රු 500 බැගින් උපරිම සත්තු 2,000ක් දක්වා ආධාර ලබාදීම. බ්‍රොයිලර් සතෙකුට රු 250 බැගින් සත්තු 4,000ක උපරිමයකට යටත්ව ලක්ෂ 10ක් ලබාදීම.
F කරදිය ධීවර කර්මාන්තයේ යෙදෙන බෝට්ටුවට රක්ෂණයක් ඇති අයට, රක්ෂණයේ මුදල සීනෝර් ආයතනයට ලබාදී එම පිරිසට අලුත් බෝට්ටුවක් ලබාදීම.
F දැල් ආම්පන්න නැති වූ සෑම ධීවරයෙකුටම රු 100,000 වවුචරයක් ලබාදීම.
F ආපදාවට ලක්වූ බෝට්ටු සීනෝර් ආයතනයෙන් නොමිලේ සාදා දීම.
F මිරිදිය ධීවර කර්මාන්තයේ යෙදෙන ඔරුවක් අහිමි වූ අයෙකුට රු 100,000 මුදලක් හා හානියට පත්වූ ජලාශවලට පැටව් ලබාදීම.
F ආපදාවට ලක්වූ පාසල් සිසුන්ට රු 25,000 දීමනාවක්.
F කර්මාන්ත අමාත්‍යාංශයයේ ලියාපදිංචි වූ කර්මාන්ත 9,600ට ලක්ෂ 2ක මුදලක්
F අර්ධ හානියට පත්වූ ව්‍යාපාර ගොඩනැගිලි සඳහා ලක්ෂ 5ක් හෝ තක්සේරු කිරීමෙන් පසු උපරිමය ලක්ෂ 50ක්
F කර්මාන්ත අමාත්‍යාංශයේ ලියාපදිංචි වූ ප්‍රාදේශීය ව්‍යාපාර සඳහාත් දිස්ත්‍රික් ලේකම්වරුන් සමග සාකච්ඡාවෙන් පසු දීමනාවක්
F මහා පරිමාණ ව්‍යාපාර සඳහා සහනශීලි ණයක් යටතේ කුඩා කර්මාන්ත සඳහා ලක්ෂ 2.5 සිට ලක්ෂ 10 දක්වාත් සහ විශාල කර්මාන්ත සඳහා රුපියල් මිලියන 25ක්
