ඊයේ (20) රාත්‍රියේදී සිදුකළ එම පහරදීමෙන් තුවාල සිදුවූ බව පවසමින් එම පොලිස් නිලධාරියා මේ වන විට ඇඹිලිපිටිය රෝහලට ඇතුළත් වී ප්‍රතිකාර ලබයි.
එමෙන්ම පාර්ලිමේන්තු මන්ත්‍රී ශාන්ත පද්මකුමාර මන්ත්‍රීවරයා ද එම පොලිස් නිලධාරියා සම්බන්ධව කොලොන්න පොලීසියට පැමිණිලි කර ඇති බව පොලීසිය පවසයි.
අදාල පොලිස් නිලධාරියා බීමත්ව මන්ත්‍රීවරයා ගමන් ගත් රථය අවහිර කර තර්ජනය කළ බව පවසමින් ශාන්ත පද්මකුමාර මන්ත්‍රීවරයා එම පැමිණිල්ල කර ඇත.
කෙසේවෙතත් අදාල සිද්ධිය සම්බන්ධයෙන් ඇඹිලිපිටිය ජ්‍යෙෂ්ඨ පොලිස් අධිකාරිවරයාගේ මඟ පෙන්වීම යටතේ පොලිස් කණ්ඩායම් දෙකක් ඔස්සේ විමර්ශන ආරම්භ කර ඇති බව පොලිස් මාධ්‍ය ප්‍රකාශක සහකාර පොලිස් අධිකාරි එෆ්.යූ. වුට්ලර් සඳහන් කළේය.
