නාගරික මන්ත්‍රී වෛද්‍ය චමල් සංජීව මෙවරත් මෙම ජනතා විරෝධී කටයුත්තට එරෙහිව දැඩි ක්‍රියාමාර්ග ගනිමින් සිටින පසුබිමක, ඔහු ගේ එම ස්ථාවරය සමගි ජන බලවේගය පක්ෂයේ ස්ථාවරය නොවන බවට ව්‍යාජ මාධ්‍ය නිවේදනයක් සකස් කර, යම් පාර්ශවයක් විසින් සමාජ මාධ්‍යයේ සංසරණය වන බවට දැනගන්නට ලැබී ඇතැයි විපක්ෂ නායක සජිත් ප්‍රේමදාස සඳහන් කරයි.
ශ්‍රී ලංකා පාර්ලිමේන්තුවේ විපක්ෂ නායක සහ සමගි ජන බලවේගයේ නායක සජිත් ප්‍රේමදාස ගේ අත්සනින් යුත් එම නිවේදනයේ සඳහන් වන පරිදි ප්‍රමිතියෙන් තොර ඖෂධ මාෆියාවට එරෙහිව සෑම අවස්ථාවක ම හඬ නගන සහ ඊට එරෙහිව නීතිමය පියවර ගත් එකම දේශපාලන පක්ෂය වන සමගි ජන බලවේගය, වත්මන් ජාතික ජන බලවේග ආණ්ඩුව යටතේ සිදුව ඇති ප්‍රමිතියෙන් තොර ඔන්ඩැන්සෙට්ට්‍රේන් එන්නත් ආනයනයට එරෙහිවද සෘජුව විරෝධය ප්‍රකාශ කරන බව සඳහන් කරයි.
මතු පළවන්නේ සමාජ මාධ්‍යයේ සංසරණය වන ව්‍යාජ නිවේදනය සහ ශ්‍රී ලංකා පාර්ලිමේන්තුවේ විපක්ෂ නායක සහ සමගි ජන බලවේගයේ නායක සජිත් ප්‍රේමදාස ගේ අත්සනින් යුත් නිවේදනය යි.
