සමගි ජන බලවේගයේ අම්බලන්ගොඩ නගර සභාවට තරග කරන ලද කණ්ඩායමේ නායකයා බව අම්බලන්ගොඩ සමගි ජන බලවේගයේ ප්‍රධාන සංවිධායක, හිටපු පාර්ලිමේන්තු මන්ත්‍රී ශාන් විජයලාල් ද සිල්වා ප්‍රකාශ කරයි.
හිටපු මන්ත්‍රීවරයා කියා සිටින්නේ මෙම වෙඩි තැබීමෙන් මියගිය කෝසල සිල්වා පසුගිය පළාත් පාලන මැතිවරණයට අම්බලන්ගොඩ නගර සභාවට තරඟ කරන ලද සමගි ජන බලවේගයේ කණ්ඩායම් නායකයා බවයි.
කෝසල සිල්වා අම්බලන්ගොඩ ප්‍රදේශයේත්, ගාල්ල දිස්ත්‍රික්කයේත් සමගි ජන බලවේගයේ ප්‍රබල ක්‍රියාකාරිකයෙකු බවද ශාන් විජයලාල් ද සිල්වා පැවසිය.
මීට සති කිහිපයකට පෙරද අම්බලන්ගොඩ දී සමගි ජන බලවේගයේ තවත් ක්‍රියාකාරිකයෙකු වූ විරන්ත වරුෂවිතාන වෙඩි තබා ඝාතනය කළ බවද ෂාන් විජයලාල් ද සිල්වා ප්‍රකාශ කළේය.
එම ක්‍රියාකාරිකයාද පසුගිය පළාත් පාලන මැතිවරණයට අම්බලන්ගොඩ නගර සභාවට සමගි ජන බලවේගයේ කණ්ඩායමේ සමගාමී ලැයිස්තුවේ සිටි සාමාජිකයෙකු බවද ශාන් විජයලාල් ද සිල්වා වැඩිදුරටත් සඳහන් කළේය.
(hirunews)
