ඔහු ලබන බදාදා (18) අදාළ වෛද්‍ය ප්‍රතිකාර සඳහා රෝහල් ගත වීමට නියමිතව ඇති බව දැනගන්නට තිබේ.
අදාළ වෛද්‍ය පරීක්‍ෂණ සහ ප්‍රතිකාර වලින් අනතුරුව රනිල් වික්‍රමසිංහ සති දෙකක් හෝ තුනක් රෝහල් ගතව විවේකයෙන් සිටිනු ඇතැයි ඔහුට සමීප ආරංචි මාර්ග සඳහන් කරයි.
රනිල් වික්‍රමසිංහ ඉකුත් සතියේ තෙදිනක් පමණ මෙරට පෞද්ගලික රෝහලකදී ද වෛද්‍ය පරීක්‍ෂණයකට බඳුන් විය.
2023 වසරේ බ්‍රිතාන්‍යයේ පැවති සිය බිරිඳගේ උපාධි ප්‍රදානෝත්සවයට පෞද්ගලික සංචාරයක් වශයෙන් සහභාගි වෙමින් රුපියල් ලක්ෂ 166කට අධික රජයේ මුදල් සාවද්‍ය පරිහරණය කළ බවට චෝදනා කරමින්, අල්ලස් හෝ දූෂණ චෝදනා විමර්ශන කොමිෂන් සභාව, හිටපු ජනාධිපතිවරයාට එරෙහිව අධිචෝදනා ගොනුකිරීමට සූදානමින් සිටී.
මෙම සිදුවීම සම්බන්ධයෙන් වන මහේස්ත්‍රාත් උසාවියේ නඩු කටයුත්තේ මීළග නඩු වාරය අප්‍රේල් 29 වැනි දිනට දී ඇත.
